वीरगन्ज । मुलुकी अपराध संहिता, २०७४ को दफा १२५ (क) ले गर्न नहुने भनी बर्जित गरेको अवैध हुण्डी रकम सहित पर्सामा एक जेनजी पक्राउ परेका छन् । ऐनले बर्जित गरेको श्रोत नखुलेको (अवैध हुण्डी) रकमसम्बन्धी कारोवार गरेको कसूरमा पर्सा प्रहरीले कारोवारीलाई पक्राउ गरेको हो ।

पक्राउ पर्ने जेनजी (व्यक्ति) वीरगन्ज महानगरपालिका १६ का १९ वर्षीय किशन यादव रहेको पर्सा प्रहरीले पुष्टि गरेको हो । अभियुक्त यादवले मुलुकी अपराध संहिता, २०७४ को दफा १२५ (क) अनुसार ऐनले बर्जित गरेको अवैध रकम ४ लाख ३४ हजार साथमा नै लिएर हिडिरहेको समयमा पक्राउ गरिएको पर्साका प्रहरी नायव उपरिक्षक किशोर लम्सालले बताए । पक्राउ पर्ने व्यक्ति आर्थिक नगरी वीरगन्ज महानगरपालिका वडा नम्बर १६ नगवाका १९ वर्षीय किशन यादव रहेको पर्सा प्रहरी कार्यालयका सूचना अधिकारी समेत रहेको प्रहरी नायव उपरिक्षक लम्सालले बताए ।

मुलुकी संहिताको १२५ दफाको (क) मा हुण्डी सम्बन्धी कारोवार गर्न नहुने भनी बर्जित गरेको अवस्थामा पक्राउ परेका यादवले श्रोत नखुलेको ४ लाख ३४ हजार हुण्डी रकम आफूले लगाएको सेतो पाइन्टको गोजीमा नै बोकी नजानिदै तरिकाले पैदल हिड्दै गरेको समयमा पक्राउ गरी अनुसन्धान भइरहेको उनको भनाइ छ ।

प्रहरीलाई प्राप्त बिशेष सूचनाको आधारमा आर्ईतबार दिउसो १२ बजेको समयमा पर्साको वीरगन्ज–१०, आदर्शनगरस्थित नबिल बैंकको अगाडी सडक खण्डबाट उनलाई नियन्त्रणमा लिएको पर्सा प्रहरीले जनाएको छ । अवैध दशीसहित फेला परेका अभियुक्तलाई मुलुकी अपराध संहिताको आकर्षित दफा १२५ को (क) बमोजिमको कसूरमा जिल्ला अदालत पर्साबाट पाँच दिनको म्याद लिई थप अनुसन्धान भइरहेको पनि पर्सा प्रहरीले जनाएको छ ।

सम्बन्धित समाचार

सप्तरीमा सवारी दुर्घटनामा वृद्धाको मृत्यु वीरगञ्जको होटलमा भारतीय बुवा-छोराको शव फेला सप्तरीको रुपनीमा आगलागिबाट आधा दर्जन घर खरानी पर्साका पत्रकारलाई स्थानीय युवाले दिए प्रेस ज्याकेट जेनजी आन्दोलनले ओझेल ‘हैजा महामारी’ रोक्न खोप अभियान सुरु जमिनको बिवादमा कुटपिट हुदा रौतहटमा १ को मृत्यु सप्तरीका दुई पालिकामा महिला र बालबालिका हिंसाविरुद्ध निर्देशिका पारित खाल्टोमा डुबेर ३ बालिकाको मृत्यु