काठमाडौँ। रुपन्देहीमा यात्रुवाहक ईभी गाडी दुर्घटना हुँदा तीन जनाको मृत्यु भएको छ । घटनामा चार जना गम्भीर घाइते भएका छन्।

प्रमुख जिल्ला अधिकारी डा. टोकराज पाण्डेका अनुसार दुर्घटनामा मृत्यु हुनेमा सैनामैना-८ बाँसगढीका ४५ वर्षीय खुमबहादुर आचार्य, कन्चन गाउँपालिका-५ का ४३ वर्षीय जितेन्द्र थापा र ४२ वर्षीय खेम बिक रहेका छन् ।

दुर्घटनामा गम्भीर घाइते सबैको कपिलवस्तुको पिपरा अस्पतालमा उपचारका क्रममा मृत्यु भएको प्रहरीले जनाएको छ।

गम्भीर घाइते हुनेमा गाडीका चालक ३५ वर्षीय विक्रम श्रेष्ठ, उनका १० वर्षीय छोरा समीर श्रेष्ठ, ३२ वर्षीय सोनु चौधरी र ३९ वर्षीय अशोक थापा रहेका छन् । उनीहरूको अवस्था सुधारोन्मुख छ ।

प्रहरीका अनुसार बागमती प्रदेश ०१-००६ ख ७७८२ नम्बरको ईभी गाडी रुपन्देहीको रुद्रपुरतर्फ जाँदै गर्दा राति करिब १०:३० बजे अचानक अनियन्त्रित भई सडक छेउमा रहेको रुखमा ठोक्किएर करिब तीन मिटर तल खसेको थियो।

सम्बन्धित समाचार

गुल्मीका ५१ प्रतिशत नागरिक स्वास्थ्य बीमाको पहुँचमा योग र आयुर्वेदको मद्दतले नै नसर्ने रोगमाथि विजय पाउन सकिने दाबी जेनजी विद्रोहको क्षतिवारे बोल्यो सेना सुन्दरहरैंचामा साथी कम्प्युटर सेन्टरद्वारा क्विज प्रतियोगिता सम्पन्न गुल्मीमा मतदाता नामावली दर्ता उत्साहजनक आज मनाइँदैछ तिहारको मुख्य दिन भाइटीका विद्यालय सुधार तथा कला, संस्कृति र परम्परा जोगाउन ३० वर्षपछि मेला