राजविराज । सप्तरीको तिलाठी कोइलाडी गाउँपालिका–६ स्थित वभनगामा टोलमा गएराति आगलागी भएको छ । सो आगलागीमा परी ६ परिवारको वटा १२ घर जलेर नष्ट भएको प्रहरीले जनाएको छ । 

स्थानीय रामअवतार यादवको गाईगोठमा बालिएको घुरबाट सल्केको आगोले निजको दुईवटा घर र एउटा गाईगोठ, छिमेकी जुगाइ यादवको दुईवटा घर र एउटा गोठ, अनिल यादवको दुईवटा घर एउटा गोठ, योगिन्द्र यादव,  राजकुमार यादव, धीरेन्द्र यादवको एक/एक वटा घर गरी ९ घर र तीन वटा गाईगोठसमेत १२ वटा घर पूर्ण रूपले जलेर नष्ट भएको स्थानीय रामनाथ यादवले जानकारी दिए । 

जिल्ला प्रहरी कार्यालयका अनुसार आगलागीबाट खाद्यान्न, लत्ताकपडा, गरगहना, फर्निचरलगायत नगदसहित ४५ लाख रुपैयाँभन्दा बढीको धनमालको नष्ट भएको प्रारम्भिक अनुमान गरिएको छ ।

हनुमाननगर कंकालिनी नगरपालिका, मधेस–प्रदेश प्रहरी तालिम केन्द्र राजविराजबाट आएको बारुण यन्त्र र स्थानीयवासीका सहयोगमा आगो नियन्त्रणमा आएको थियो ।

सम्बन्धित समाचार

मौलापुरको विकास यात्रा अब देशकै सिकाइ केन्द्र बन्दै टिपरको ठक्करबाट एक जनाको मृत्यु मनसुन अवधिमा सरदरभन्दा कम वर्षा र तापक्रम बढ्ने पूर्वानुमान सीमा निर्धारणमा भएको ढिलाइले बेनीमा सडक आयोजना प्रभावित नौ वर्षपछि कसरी टुंगियो इस्मा गाउँपालिकाको केन्द्र विवाद ? एमआरपी स्टिकर नटाँसिएका सामग्रीको भन्सार जाँचपास बन्द अतिक्रमित जग्गा खाली गराउने सरकारको कदमलाई जनताको साथ प्रवर्द्धनको प्रतीक्षामा पोखराको सीता गुफा