चितवन । राष्ट्रिय स्वतन्त्र पार्टीको स्वागत गेटका कारण उचाइ नपुगेर रोकिएका ट्रक केहीबेरअघि चितवनबाट पठाइएको छ ।

हिजो दिउँसो २ बजेदेखि टिकौली जङ्गलमा रास्वपाको स्वागत गेट छिचोल्न नसकेर रोकिएका ५ वटा ट्रक केही समयअघि गन्तव्य पठाइएको चितवनको ट्राफिक प्रहरी कार्यालयले जनाएको छ ।

ती ट्रक चितवनकै कुरिनटारमा रहेको बाह्रसिंगे वियरको लागि ट्यांकर लिएर आएका थिए । टिकौलीको गेट सारेर पार गरिए पनि भरतपुरको वडा नम्बर १ मा रहेको सडक डिभिजन कार्यालयको गेट पनि कट्न नसकेपछि गाडी पास हुन समय लागेको थियो ।

चितवनका ट्राफिक प्रहरी प्रमुख इन्स्पेक्टर अनिल थापाका अनुसार केही बेरअघि मात्रै गाडीलाई गन्तव्यतर्फ पठाइएको हो । सडक डिभिजनसँग समन्वय गरेर क्रेनले सडकको बोर्ड हटाएपछि कुरिनटारतर्फ पठाइएको बताए ।

हिजोदेखि पाँचवटा गाडी टिकौली जंगलबाट फर्काएर रत्ननगरको निपनी चोकमा पार्किङ गरेर राखिएको थियो । प्रहरीले रास्वपाको महाधिवेशन सकिएपछि मात्रै पठाउने बताएको थियो । ट्रक रोकिएको विषयमा सामाजिक सञ्जालमा आलोचना बढेको थियो ।

सम्बन्धित समाचार

बागमती र कोशीका १८ जिल्लामा रास्वपाको नयाँ कार्यसमिति मोतीविन्दुको निःशुल्क शल्यक्रियाबाट ८५ जनाले पाए नयाँ दृष्टि भीमसेन थापा गाउँपालिकामा सामूहिक बिमा भीमफेदी–बैदमार जीप दुर्घटनामा इन्जिनियरसहित चालकको मृत्यु माडीमा जडीबुटी उद्यान बनाईदै पशुपालनका निम्ति गोठ निर्माण गर्न अनुदान सुनौलो इतिहास रहेको कन्या मन्दिरप्रति छात्राको आकर्षण भरतपुरका २९ विषयगत सहकारी संस्था खारेज