काठमाडौँ । प्युठानको स्वर्गद्वारी नगरपालिकाका उपप्रमुख मीनराज राना मगरको जिप दुर्घटनामा मृत्यु भएको छ ।

स्वर्गद्वारीबाट धनवाङतर्फ जाँदै गरेको लु प्र ०१–००१ झ ०००८ नम्बरको नगरपालिकाको नाममा रहेको बोलेरो पिकअप जिप स्वर्गद्वारी नगरपालिका वडा नं २ बाङ्गेसल्लामा दुर्घटना हुँदा ५० वर्षीय राना मगरको मृत्यु भएको हो ।

शनिबार साँझ पौने ५ बजेतिर उपप्रमुख राना आफैँले चलाएको जिप सडकदेखि करिब ६ सय मिटर तल खसेको जिल्ला प्रहरी कार्यालयले जनाएको छ । जिपमा उनी एक्लै सवार रहेको प्रहरीले जनाएको छ ।

प्रहरीले उनलाई अचेत र गाडीले च्यापिएको अवस्थामा घटनास्थलबाट निकालेका थिए । घटनाको अनुसन्धान भईरहेको प्रहरीले जनाएको छ ।

सम्बन्धित समाचार

रास्वपा लुम्बिनीको नयाँ कार्यसमिति चयन, सभापतिमा घिमिरे निर्वाचित पानी नपर्दा धानको ब्याड राख्न ढिलाइ रुपन्देहीमा हराएका १०८ जनामध्ये ६१ जना फेला खण्डहर देउवा निवासमा अख्तियारले टाँस्यो म्याद कक्षा १२ को नतिजा सार्वजनिक मोबाइलबाटै ऋणदेखि स्मार्ट बैंकिङसम्म रास्वपा महामन्त्रीको निर्वाचन रोचक मोडमा : रञ्जुको समर्थन विपिनलाई रास्वपा उपसभापतिमा सोविता निर्वाचित