काठमाडौं । सत्ता घटक दल राष्ट्रिय स्वतन्त्र पार्टी (रास्वपा)का सभापति रवि लामिछाने भारतको धार्मिक भ्रमण सकेर फर्केपछि पार्टीभित्र आन्तरिक संवादलाई तिव्रता दिएका छन ।

सभापति लामिछानेले फर्केको अर्को दिन बुधबार बिहान प्रधानमन्त्री बालेन शाहसँग भेटबार्ता गरेका थिए । समसायिक विषयमा प्रधानमन्त्री शाह र सभापति लामिछानेबीचमा करिब चारघन्टा संवाद भएको थियो । सभापति लामिछानेलाई भेट्न प्रधानमन्त्री शाह उनको निवास बूढानीलकण्ठ पुगेका थिए ।

बुधबार बिहान सवा १० देखि दिउँसो सवा २ सम्म रास्वपा सभापति रवि लामिछानेले प्रधानमन्त्री बालेन शाहसँग कुराकानी गरे । सभापति लामिछाने भेट्न प्रधानमन्त्री बालेन बूढानीलकण्ठ पुगेका थिए । न्यायालयमा विकसित घटनाक्रम, संसद्मा दर्ता भएको निजामति विधेयक फिर्ता लिएर अध्यादेश ल्याउने तयारी लगायतमा संवाद भएको रास्वपाका नेताहरूले जानकारी गराएका छन् ।

प्रधानमन्त्री शाहलाई भेटेकै दिन सभापति लामिछानेले उपसभापति एवं अर्थमन्त्री डा. स्वर्णिम वाग्लेसँग संवाद गरेका थिए । उनीहरूबीच दुई घण्टा कुराकारी भएको जानकारी गराइएको छ ।

अर्थमन्त्रीको सचिवालयले भेट भएको जानकारी गराएको छ । नियमित भेटघाटको क्रममा कुराकानी भएको जानकारी गराइएको छ । सभापति लामिछानेले बिहीबार बिहान उपसभापति एवं कानुन, न्याय तथा संसदीय मामिलामन्त्री सोबिता गौतमसँग कुराकानी भएको थियो ।

गौतमसँग सभापति लामिछानेले साढे तीन घण्टा कुराकानी भएको जानकारी गराइएको छ । कानुनमन्त्री गौतमसँगको भेटमा सरकारले केही अध्यादेश ल्याउन तयारी गरेको र त्यसको प्रभावका साथै कानुनी पक्ष’bout समेत छलफल भएको छ । सरकारले अध्यादेश ल्याएर परिवर्तन गर्ने नीतिका सम्बन्धमा अदालतमा मुद्दा परेर रोकिन सक्ने सम्भावना के कति रहन्छ भनी कुराकानी भएको जानकारी गराइएको छ ।

बिहीबार नै सभापति लामिछानेले सभामुख डोलप्रसाद अर्यालसँग कुराकानी गरे । सभामुख अर्याललाई भेट्न उनकै कार्यकक्ष सिंहदरबार पुगेका थिए ।

सभामुखको सचिवालयका अनुसार रास्वपा सभापति लामिछानेसँग सभामुखको करिब २० मिनेट भेट भयो । विवादित व्यक्ति इनम सापकोटासँग न्यायाधीसको संवादले राजनीतिक घटनाक्रम तरंगित भइरहेको बेलामा सभापति लामिछानेले शुक्रबार कानुनी पृष्ठभूमिका रास्वपा सांसदहरूसँग छलफल गरेका थिए ।

रास्वपा सांसद मोहनलाल आचार्यले सभापतिसँग कानुनी पृष्ठभूमिका सांसदहरूसँग छलफल भएको जानकारी गराए सभापति लामिछानेले विवादमा परेको न्यायालयका ’boutमा कसरी अघि बढ्न उपयुक्त हुन्छ भनि सांसदहरूको दृष्टिकोण बुझेका थिए । आचार्यका अनुसार आधा दर्जन बढी सांसदहरूको राय सभापति लामिछानेसँग राय लिएका थिए ।

सम्बन्धित समाचार

कांग्रेस सभापतिमा निर्वाचित गगन थापाले लिए पद तथा गोपनीयताको शपथ निजामति कर्मचारीलाई ६० लाखसम्म ऋण, ब्याज सरकारले तिरिदिने हराएका मतदाता फर्काउन मंसिरमा एक महिने अभियान चलाउँछौँः गगन थापा कोष उपाध्यक्षमा नियुक्त आनीको नागरिकतामा प्रश्न कांग्रेसका नवनिर्वाचित पदाधिकारी र केन्द्रीय कार्यसमितिका सदस्यहरूले लिए शपथ इनम सापकोटासँग नाम जोडिएपछि प्रधानन्यायाधीश शर्माले खोले मुख प्रधानमन्त्रीको निर्देशनपछि पक्राउ परेका सबै पत्रकार रिहा बालेन सरकार हल्लाउने बिचौलिया सेटिङ