काठमाडौं । बागलुङमा घरको पर्खाल भत्किँदा एक बालकको मृत्यु भएको छ । ढोरपाटन नगरपालिका–२ सलामकोटमा घरको पर्खाल आइतबार साँझ भत्किँदा च्यापिएर बडिगाड गाउँपालिका–५ का पाँच वर्षीय आशिष भण्डारीको मृत्यु भएको हो ।

मावलीघर सलामकोटमा बस्दै आएका भण्डारी आँगनमा खेल्दै गर्दा अचानक घरको पर्खाल भत्किएर पुरिएको इलाका प्रहरी कार्यालय बुर्तिबाङका प्रहरी नायब निरीक्षक सुदीप भट्टराईले जानकारी दिए । पर्खालले पुरिएर गम्भीर बनेका भण्डारीको उद्धार गरी बुर्तिबाङ प्रादेशिक अस्पतालमा ल्याउँदा डाक्टरले मृत घोषणा गरेको उनको भनाइ छ ।

उनले भने, “घर अलि अप्ठ्यारो ठाउँमा रैछ, पर्खाल कच्ची ठाउँमा लगाएको हुँदा पिँढीको मुख्य पर्खालनै भत्किएपछि खेल्दै गरेको बालक पुरिएछन्, आफन्तले उद्धार गरेर अस्पताल ल्याउँदा मृत्यु भइसकेको रहेछ ।”

सम्बन्धित समाचार

आरोग्य पर्यटनका लागि म्याग्दीको भंकासे गण्डकी प्रदेश सरकारको विनियोजन विधेयक पारित हनुमान नाचः तीन शताब्दीको सांस्कृतिक हुङ्कार एक महिनामा ८० हजार विदेशी पर्यटक मुस्ताङ भित्रिए बञ्जीजम्पप्रति भारतीय पर्यटकको आकर्षण बढ्दो पहिरोबाट कालीगण्डकी कोरिडोर अवरुद्ध आम्दानीको प्रमुख माध्यम बंगुर र माछापालन उदयपुरमा जङ्गली हात्तीले ६ घर भत्कायो