काठमाडौं । १३ औँ संस्करणको ‘ड्रेस टु इम्प्रेसन’को चार वटा सिक्वेन्समा चार जना फेशन डिजाइन उत्कृष्ट भएका छन् । काठमाडौँको बागबजार र ललितपुरको कुमारी पाटीमा रहेका फेसनसम्बन्धी अग्रणी एकेडेमी स्कूल अफ फेसन एन्ड इन्टेरियर डिजाइन ‘आइआइएफटी’ ले स्थापना काल देखि यो प्रतियोगिता गर्दै आएको छ । ‘आइआइएफटी’का विद्यार्थीहरू बिच उनीहरूले फेशन डिजाइन कलालाई उजागर गर्न यो प्रतियोगिता हरेक वर्ष आयोजना हुने गरेको छ ।

यसै क्रममा शनिवार साँझ काठमाडौंको प्रज्ञा भवनमा सम्पन्न फेशन डिजाइन प्रतिस्पर्धा एवम् प्रस्तुति दिँदै आएको छ । यसै क्रममा शनिवार साँझ १३ औँ संस्करणको ‘ड्रेस टु इम्प्रेसन’मा ‘आइआइएफटी’ बागबजार र ‘आइआइएफटी’ कुमारी पाटीका १५५ विद्यार्थीहरू आफ्नो डिजाइनसहित ¥याम्पमा उत्रिएका थिए । आफ्नो फेशन डिजाइन उनीहरू आफैँले क्याटवाक सहित प्रस्तुत गरे । ती डिजाइनहरू चार फरक अवधारणा ‘डान्सिङ विथ द स्टार्स’, ‘अराउन्ड द वल्र्ड’, ‘ग्यालाक्टिक फेशन’ र ‘अ पारालाल युनिभर्स’ शीर्षकमा प्रस्तुत गरिएको थियो ।

जस अन्तर्गत ‘अराउन्ड द वल्र्ड’ सिक्वेन्समा उत्कृष्ट डिजाइनरको उपाधि प्रतियोगी नं. सुस्मिता ढुंगानाले र पब्लिक च्वाईस अवार्ड पनि सुस्मिताले नै जितिन् । ‘डान्सिङ विथ द स्टार्स’मा उत्कृष्ट डिजाइनरको उपाधि प्रतियोगी नं. २४ प्रेशा थापाले र यही विधामा पब्लिक च्वाईस अवार्ड प्रतियोगी नं. २१ सुजाता खनालले जितिन् । यस्तै ‘ग्यालाक्टिक फेशन’ सिक्वेन्समा उत्कृष्ट डिजाइनरको उपाधि प्रतियोगी नं. १०८ जया थापा र पब्लिक च्वाइस अवार्ड डिजाइनर नं.८४ अनुराधा बोहरा कार्कीले जिते । ‘अ पारालाल युनिभर्स’ सिक्वेन्समा उत्कृष्ट डिजाइनरको पुरस्कार प्रतियोगी नं. ११६ सृजना श्रेष्ठले र पब्लिक च्वाईस अवार्ड श्रीति पाण्डेले हासिल गरे । चारै जना विजेताले जनही २० हजार रुपैयाँ र चारै जना पब्लिक च्वाईस अवार्ड विजेताले जनही १० हजार रुपैयाँसहित ट्रफी, प्रमाणपत्र र विभिन्न उपहारसमेत प्राप्त गरे ।

नेपाल प्रज्ञा प्रतिष्ठानको प्रेक्षालयमा करिब तीन घण्टासम्म चलेका ‘ड्रेस टु इम्प्रेस’को १३ औँ संस्करण फेसन मेलामा परिणत भएको देखिन्थ्यो । समारोहमा शोइज टपरको रूपमा अभिनेत्रीद्धय दिया मास्के, एलिजा गौतम र मोडल एवम् टेलिभिजन कार्यक्रम प्रस्तोता ओसिन सिटौला, मिस इको इन्टरनेसनल सेजल राजभण्डारी प्रस्तुत भएका थिए । उनीहरूले दुलही अवधारणाको लेहंगा तथा गाउन प्रस्तुत गरेका थिए ।

इटालीको मिलान फेसन सप्ताहमा त्यहाँका डिजाइनरहरूले प्रस्तुत गर्ने शैली र डिजाइनका पहिरनहरू यस पटक आइआइएफटीका विद्यार्थीहरूले प्रस्तुत गरे । यी डिजाइनहरूले समारोहमा उपस्थित दर्शकको मन जितेका आइआइएफटीका सञ्चालक शिवलाल श्रेष्ठले राजधानीलाई बताए ।

‘ड्रेस टु इम्प्रेस’ फेशन डिजाइन प्रतिस्पर्धा आयोजना गर्नुको कारण’bout समारोहमा आइआइएफटीका प्रवन्ध निर्देशक फुपू तेन्जिङ शेर्पाले भने,‘विद्यार्थीहरूले नयाँ नयाँ अवधारणा र मौलिक कला एवम् सिप प्रस्तुत गर्दै आफूलाई अझ निखार्ने अवसर पाउन भनेर हामीले १३ वर्ष अघि यो अवधारणा सुरु गरेको हो । यसलाई हरेक वर्ष परिष्कृत गर्दै नेपालको सबैभन्दा ठुलो फेशन डिजाइन सोको रूपमा प्रस्तुत गर्न सफल भएका छौँ ।’

यो फेशन सोको कोरियोग्राफी रोजिन शाक्यले गरेका थिए । फेसन डिजाइन प्रतिस्पर्धाको निर्णायकहरूमा अग्रज फेशन डिजाइन तथा इन्टरप्रेनरहरू मुक्ता श्रेष्ठ, निभा श्रेष्ठ, निशा श्रेष्ठ, रजनी माली र फेशन डिजाइनर महेश महर्जन थिए ।

सम्बन्धित समाचार

अजयको चलचित्र ‘चौहान’ विवादमा ‘झिंगे दाउ २’को मार्मिक गीत ‘महिमा आमाको’ सार्वजनिक तेस्रो विवाहमा व्यस्त आमिर खान ‘नवल खड्का’ पुस्तक बजारमा आमा बन्न लागेको भन्दै बधाई आउँदा सामन्था चकित फेरी सँगै बस्न थाले विल स्मिथ र श्रीमती जाडा महेश र अञ्जनाको ‘आशा’ सुरु बाल प्रतिभाको लागि ‘म पनि एक्टर’ प्रतियोगिता