धनगढी । धनगढी उपमहानगरपालिकाले ‘हरियाली धनगढी’ अभियानअन्तर्गत धनगढी उपमहानगरपालिका–१३, श्रीलंका स्थित नवज्योति आधारभूत विद्यालय परिसरमा १४९ वटा बिरुवा रोपेको छ ।

वातावरण संरक्षण, विद्यालय परिसरको सौन्दर्यकरण तथा हरियाली प्रवर्द्धन गर्ने उद्देश्यले विद्यालयमा विभिन्न प्रजातिका बिरुवा रोपिएको उपमहानगरपालिकाले जनाएको छ ।

उपमहानगरका अनुसार वृक्षारोपण अभियानले वातावरणीय सन्तुलन कायम गर्नुका साथै गर्मी मौसममा शीतलता बढाउने र विद्यालयको भौतिक वातावरणलाई थप आकर्षक तथा वातावरणमैत्री बनाउन सहयोग पुग्ने अपेक्षा गरिएको छ ।

‘हरियाली धनगढी’ अभियानअन्तर्गत उपमहानगरपालिकाले यसअघि पनि सडक किनार, सार्वजनिक स्थल, विद्यालय परिसर तथा खाली जग्गामा निरन्तर वृक्षारोपण गर्दै आएको छ ।

उपमहानगरपालिकाले आगामी दिनमा पनि धनगढीका अन्य विद्यालय तथा सार्वजनिक क्षेत्रमा वृक्षारोपण अभियानलाई थप प्रभावकारी रूपमा निरन्तरता दिने जनाएको छ ।

सम्बन्धित समाचार

बाजुरालाई पूर्ण खोप सुनिश्चितता र दिगोपना घोषणा बिना हेलमेट बुलेट चलाएका मुख्यमन्त्री कमलबहादुर शाहलाई ५०० रुपैयाँ जरिवाना पत्रकार भण्डारी महेन्द्रनगरबाट पक्राउ खुटिया–दिपायल द्रुतमार्गका लागि हस्ताक्षर अभियानमा धनगढी उपमहानगरको साथ धनगढीमा ‘प्रथम सुदूरपश्चिम लोकदोहोरी तारा–२०८३’ आयोजना हुने कनरी–फूलबारी चक्रपथमा २१० स्मार्ट सडक बत्ती जडान बझाङमा जिप दुर्घटना हुँदा ३ जनाको मृत्यु, ५ जना गम्भीर घाइते बझाङको सुगरेमा जिप दुर्घटना : ३ जनाको घटनास्थलमै मृत्यु, १३ जना घाइते