झापा। झापाको दमक नगरपालिका-१ सिरपाली चोकमा श्रीमान-श्रीमतीबीचको विवादपछि एक व्यक्तिले श्रीमतीको हत्या गरी आफूले पनि आत्महत्या गरेका छन्।

प्रहरीका अनुसार ४२ वर्षीय धनबहादुर दर्जी र उनकी श्रीमती ४२ वर्षीया विजयकुमारी दर्जीबीच सामान्य विषयमा विवाद भएको थियो। विवाद बढ्दै जाँदा धनबहादुरले श्रीमतीमाथि खुकुरी प्रहार गरेका थिए।

खुकुरी प्रहारबाट विजयकुमारीको टाउको र बायाँ हातमा गम्भीर चोट लागेको थियो। घटनापछि धनबहादुर घरकै अर्को कोठामा सिलिङ पंखामा सलको पासो लगाई झुन्डिएको अवस्थामा फेला परेको प्रहरीले जनाएको छ।

घटनामा गम्भीर घाइते भएका दुवै जनालाई उपचारका लागि दमक अस्पताल लगिएको थियो। अस्पताल पुर्‍याएलगत्तै चिकित्सकले दुवैलाई मृत घोषणा गरेका थिए।

सम्बन्धित समाचार

झापामा वित्तीय अपराध बढ्दो, एक वर्षमा ३७३ मुद्दा दर्ता बाल मन्दिरको जग्गा हिनामिनामा संलग्न भएको आरोपमा ३ जना पक्राउ ‘हजुरआमाको शव सिटी सफारीमा, सेवाअभावको पीडादायी दृश्य’ सशस्त्रले ‘विशेष अधिकार’सहित चार एसएसपीलाई फिल्डमा खटायो, तत्काल कारबाही गर्न सक्नेसम्मको अधिकार पहिराले मेची राजमार्ग अवरुद्ध सप्तकोसीमा पानीको बहाव बढ्दो, २१ ढोका खुला सुकुना मावि यौन दुर्व्यवहार आरोप प्रकरण : ३ जना पक्राउ, थप अनुसन्धान तीव्र झापा र पूर्वी पहाडी जिल्लामा तटबन्ध