काठमाडौं । सुनसरीको देवानगञ्ज गाउँपालिका वडा नम्बर–३ स्थित कप्तानगञ्जमा दुई समुदाय बीचमा झडप भएको ठाउँमा थप सुरक्षाकर्मी परिचालन गरिएको छ । मंगलबार साँझ हिन्दु र मुस्लिम समुदायबीचमा ढुङ्गा हानाहान भएपछि नजिकका जिल्लाहरूबाट थप प्रहरी कप्तानगञ्ज क्षेत्रमा परिचालन गरेको हो ।
कप्तानगञ्ज र अन्य प्रभावित ठाउँहरूको भित्री भागमा सुरक्षाकर्मी पुग्न नसकेपछि ती ठाउँको सुरक्षा निगरानी गर्न काठमाडौंबाट ड्रोन समेत पठाइएको छ । गृहमन्त्री सुधन गुरुङले प्रहरी प्रधान कार्यालयमा उपलब्ध ड्रोन गएराति नै सुनसरी पठाएका हुन् ।
सुरक्षा थप प्रभावकारी बनाउन र शंकास्पद गतिविधि निगरानी गर्न ड्रोनको प्रयोग गर्न गरिने कोशी प्रदेश प्रहरी कार्यालयका प्रवक्ता (एसएसपी) योगेन्द्रसिंह थापाले जानकारी दिए ।
उनले भने, ‘हेडक्वार्टरबाट ड्रोन ल्याएका छौँ ।’ जिल्ला प्रशासन कार्यालयले विभिन्न ठाउँमा कर्फ्यु आदेश जारी गरेको छ । आइतबार भएको झडप नियन्त्रणमा लिने क्रममा सुरक्षाकर्मीको गोली लागेर ३० वर्षीय ओमप्रकाश मेहताको मृत्यु भएको घटना छानबिन गर्न गठित समिति घटनास्थलमा पुगेको छ ।
सम्बन्धित समाचार
मायाघरको नाममा उठेको सहयोग रकम बुझाउन राधिका दासीलाई आग्रह
हलेसीमा चाम्लिङ सामुदायिक होम–स्टेमा ब्रान्डिङ गरिएको कोदोको रक्सी बिक्रीमा
झापामा सात लाख ६१ हजार मेट्रिक टन खाद्यान्न उत्पादन
स्ट्रेट अफ होर्मुजमा व्यापारिक ढुवानीको रक्षाको लागि अन्तर्राष्ट्रिय गठबन्धनको तयारीमा अमेरिका र बेलायत : प्रतिवेदन
गण्डकीको गाँजा विधेयक प्रदेश प्रमुखले प्रमाणीकरण नगरी फिर्ता पठाइदिए
काँकरभिट्टाबाट गत आवमा साढे नौ हजार विदेशी पर्यटक भित्रिए
‘वैज्ञानिक सेवा शुल्क नतोकिए श्रमिक पठाउन बन्द गर्छौं’
