खोटाङ । खोटाङको साकेला गाउँपालिकाले पहिरोका कारण जोखिममा परेको विद्यालय संरक्षणमा जुटेको छ । वर्षा याममा बाँझेच्यानडाँडाको डाँडागाउँस्थित सरस्वती आधारभूत विद्यालयको पर्खाल भत्किदा विद्यालय जोखिमपूर्ण अवस्थामा पुगेको थियो । 

विद्यालय जोगाउन “साकेला श्रम अभियान” अन्तर्गत साउन १६ गतेदेखि श्रमदानबाट रिटेनिङवाल निर्माण कार्य सुरु गरिएको छ । बाँझेच्यानडाँडाका वडाध्यक्ष हेमन राईको संयोजन र गाउँपालिका अध्यक्ष रविप्रकाश राईको नेतृत्वमा सञ्चालित यस अभियानमा जनप्रतिनिधि, शिक्षक, अभिभावक र स्थानीयवासी सहित ७० भन्दा बढी व्यक्तिको सक्रिय सहभागिता रहेको छ । 

वडाध्यक्ष राईका अनुसार रिटेनिङवाल निर्माणका लागि आवश्यक सिमेन्ट गाउँपालिकाले उपलब्ध गराउने र अन्य सामग्री तथा श्रम भने स्थानीयवासीको सहयोगमा जुटाइँदै छ । गाउँपालिका अध्यक्ष राईले सामूहिक श्रमदानमार्फत विद्यालयलाई तत्काल जोखिममुक्त बनाउने कार्य अघि बढाइएको बताए । 

विपद् व्यवस्थापन, सार्वजनिक पूर्वाधार संरक्षण, सामुदायिक सहभागिता र सामाजिक एकताको प्रभावकारी नमुना प्रस्तुत गर्दै “साकेला श्रम अभियान” स्थानीय तहमा श्रम संस्कृतिलाई संस्थागत बनाउने अभियानका रूपमा निरन्तर विस्तार हुँदै गएको छ ।

सम्बन्धित समाचार

झापामा डेङ्गु सङ्क्रमितको सङ्ख्या घट्दो पूर्वाञ्चल पब्लिक स्कुलको प्रि–स्कुल ग्राजुएसनमा ५६ विद्यार्थी दीक्षित कार्यस्थलमा स्तनपान कक्षको अभाव गेटा विश्वविद्यालयः एकातिर संशय, अर्कातिर उत्साह धिमाल समुदायको मातृभाषा संरक्षणमा जोड सुनसरीको कप्तानगञ्जमा सुरक्षा निगरानी गर्न काठमाडौंबाट पठाइयो ड्रोन झापामा ३७८ जनाले पाए आमाको नामबाट नागरिकता पहिरो प्रभावमा कालिका मावि, अस्थायी टहरामा पठनपाठन