भक्तपुर । प्राविधिक शिक्षा तथा व्यावसायिक तालिम परिषद् (सीटीईभीटी) का करार, मासिक तथा दैनिक ज्यालादारी श्रमिकहरूले विभिन्न माग राख्दै परिषद्को सानोठिमीस्थित केन्द्रीय कार्यालयमा घेराउ गरेका छन् ।

करार, मासिक तथा दैनिक ज्यालादारी श्रमिक केन्द्रीय संघर्ष समितिले रोजगारीको सुरक्षा, हाल कार्यरत पदमै निरन्तर काम गर्न पाउने व्यवस्था र सेवा–सुविधाको सुनिश्चिततालगायतका माग राख्दै कार्यालयमा धर्ना दिएको हो ।

समितिले रोजगारीबाट बाहिरिएका ७४ जना श्रमिकलाई पुनः काममा जोड्नुपर्ने, करार कर्मचारीलाई दसैँ पेश्की, पोशाक, प्रशिक्षण, दुर्गम तथा स्थानीय भत्तालगायतका सुविधा उपलब्ध गराउनुपर्ने माग गरेको छ।

त्यस्तै, मासिक ज्यालादारी कर्मचारीलाई यथावत अवस्थामा काम गर्न दिनुपर्ने, ड्रेसलगायतका सुविधा उपलब्ध गराउनुपर्ने र उनीहरूको अवस्था एकतर्फी रूपमा परिवर्तन गर्न नहुने समितिको माग छ ।

आन्दोलनमा सहभागी भएकै आधारमा कुनै श्रमिकमाथि पूर्वाग्रह, विभेद वा प्रतिशोधपूर्ण व्यवहार नगर्नसमेत समितिले व्यवस्थापनसँग माग गरेको छ । श्रमिकहरूले आफ्ना माग’bout लिखित प्रतिबद्धता, कार्यान्वयनको समयसीमा र स्पष्ट कार्ययोजना माग गरेका छन् । व्यवस्थापनसँग टकराव नभई संवाद र सहमतिबाट समस्या समाधान गर्न आफूहरू तयार रहेको बताउँदै समितिले माग पूरा नभएसम्म खबरदारी जारी राख्ने जनाएको छ।

सम्बन्धित समाचार

सुनसरीमा हटाइयो कर्फ्यू पहिरोले नारायणगढ–मुग्लिन सडक अवरुद्ध मनसुन सक्रिय रहँदा किसानलाई सहज अवरुद्ध नारायणगढ–मुग्लिन सडक सञ्चालनमा खाद्य निरीक्षक राखेर बजार अनुगमन गर्न सरकारको आग्रह यस्तो बेलामा पनि प्रधानमन्त्री ठालू भएको बस्ने हो भन्दै सभापति थापाको प्रश्न क्यान्सर अस्पतालमा ‘किमो’ लगाउने बिरामीको चाप मनसुनी वायुको प्रभावः यी प्रदेशका केही स्थानमा भारी वर्षाको सम्भावना