इटहरी । सुनसरी जिल्ला प्रशासन कार्यालयले देवानगञ्ज घटनापछि लागू गरिएको अनिश्चितकालीन कर्फ्यु आदेश हटाएको छ।

प्रमुख जिल्ला अधिकारी ईश्वरीप्रसाद अर्यालद्वारा जारी सूचनाअनुसार साउन १२ गते आज राति १२ः१५ बजेदेखि इनरुवा नगरपालिका–३ र ६ को सीमा (घोपाली टोल)देखि कोशी ब्यारेज पुलसम्म तथा महेन्द्र राजमार्गको उत्तर–दक्षिण दुई सय मिटर क्षेत्रभित्र लागू गरिएको कर्फ्यू आदेश हटाइएको हो।

यसअघि उक्त क्षेत्रमा सोमबार राति ९ बजेदेखि अर्को सूचना जारी नभएसम्मका लागि आवतजावत, भेला, जुलुस, प्रदर्शन, सभा, बैठक तथा घेराउ गर्न नपाइने गरी अनिश्चितकालीन कर्फ्यू आदेश जारी गरिएको थियो।

जिल्ला प्रशासन कार्यालयले सुरक्षा अवस्थाको समीक्षा गर्दै कर्फ्यू हटाएको जनाएको छ। यद्यपि, जिल्लाका केही संवेदनशील क्षेत्रमा यसअघि जारी गरिएको निषेधाज्ञा भने यथावत् रहेको प्रशासनले जनाएको छ।

सम्बन्धित समाचार

मधेसका अर्थमन्त्रीसहित सातजना विरुद्ध ३९ करोडको भ्रष्टाचार मुद्दा सुनसरी तनावग्रस्त : झडपपछि एक जनाको मृत्यु, पाँच स्थानमा अनिश्चितकालीन कर्फ्यु २१ जिल्लामा बाढीको जोखिम, सचेत रहन आग्रह अतिक्रमित वनक्षेत्रको संरचना हटाइयो वर्षासँगै बाढीपहिरो जाँदा अवरुद्ध छन् यी ८ सडक पाल्पामा टिप्पर दुर्घटना हुँदा चालकको मृत्यु वडा सदस्यको घरबाट ठूलो परिमाणमा डिएपी मल बरामद सामुदायिक संवेदनशीलता व्यवस्थापनमा सुरक्षा निकायको गम्भीर लापरवाही