काठमाडौं । जापान पठाइदिन्छु भन्दै तीन करोड रुपैयाँ ठगी गरेको अभियोगमा प्रहरीले एक जनालाई पक्राउ गरेको छ ।

११५ जनाबाट २ करोड ८० लाख रुपैयाँ ठगी गरेको आरोपमा प्रहरीले सोमबार बुटवलबाट एक युवकलाई पक्राउ गरेको हो ।

पक्राउ पर्नेमा ललितपुरको महालक्ष्मी नगरपालिका–७ चांगाथली बस्ने २९ वर्षीय प्रतीक बुढाथोकी रहेका छन् । रकम उठाएर जापान नपठाएको भन्दै उजुरी परेपछि उनलाई पक्राउ गरिएको प्रहरीले जनाएको छ ।

उनलाई वैदेशिक रोजगार विभागबाट जारी भएको पक्राउ पुर्जीका आधारमा पक्राउ गरिएको प्रहरीले जनाएको छ ।

उनले गेटश्वी एन्टरनेशनल प्रालि नामको कन्सल्टेन्सीमार्फत् १ सय १५ जनालाई जापान पठाइदिने भन्दै उनीहरूबाट कुल २ करोड ८० लाख रुपैयाँ रकम लिएको प्रहरीले जनाएको छ ।

बुढाथोकीमाथि वैदेशिक रोजगारसम्बन्धी ठगीको कसुरमा आवश्यक अनुसन्धान भइरहेको जनाइएको छ ।

सम्बन्धित समाचार

बूढानीलकण्ठमा गोली चल्यो, कर्मा तामाङ पक्राउ प्रहरी नियन्त्रणमा रहेको कर्मा समूहले यसरी मच्चाउँथ्यो लुटपाट सशस्त्र प्रहरीद्वारा ठूलो परिमाणको लागूऔषधसहित काठमाडौंबाट तीन जना पक्राउ इन्टरपोलबाट रेड नोटिस जारी भएका फरार व्यक्ति कतारवाट पक्राउ कांग्रेस पूर्वसभापति देउवा २३ साउनमा फर्किने सुन्तला रङ लगाइएका क्षेत्रका बासिन्दालाई तीन दिन सजग रहन मौसम विभागको सुझाव यी हुन् केयुको उपकुलपतिका लागि छानिएका १० आवेदक इटा भट्टाको पर्खाल भत्किँदा दुई मजदुरको मृत्यु