हैदारावाद । दक्षिण भारतीय अभिनेत्री रश्मिका मन्डन्नाका हातमा हाल धेरै ठूला परियोजनाहरू छन् तर उनी अहिले कम्मरको चोटबाट पीडित छिन्।

‘माइसा’ चलचित्रको छायांकनका क्रममा उनको दाहिने कम्मरको टेन्डन अर्थात मांसपेशीलाई हड्डीसँग जोड्ने तन्तु छुट्टिएर गम्भीर चोट लागेको थियो, जसले गर्दा उनका परियोजनाहरूको छायांकन तालिका प्रभावित भएको छ। 

रश्मिका अल्लु अर्जुनको बहुप्रतिक्षित चलचित्र ‘राका’मा पनि देखिँदै छिन् । पछिल्ला जानकारीहरू अनुसार उनको स्वास्थ्य लाभको प्रक्रियाका कारण यस चलचित्रको छायांकन करिब ४५ दिनका लागि स्थगित गरिएको छ।

भ्याराइटी इन्डियाको एक समाचार रश्मिका मन्डन्ना घाइते भएपछि ‘राका’को छायाङ्कन करिब ४५ दिनका लागि स्थगित गरिएको छ। यस चलचित्रमा उनीसँग सम्बन्धित धेरै महत्त्वपूर्ण र शारीरिक रूपमा चुनौतीपूर्ण दृश्यहरू समावेश छन् । त्यसैले, निर्देशक एट्लीले उनी पूर्ण रूपमा स्वस्थ नभए सम्म पर्खने निर्णय गरेका छन्।

यस समयमा सम्पूर्ण चलचित्र टोली रश्मिकाको स्वास्थ्यलाई सर्वोपरि प्राथमिकता दिँदै उनको साथमा उभिएको बताइएको छ। निर्देशक एटलीले पनि उनलाई सुटिङ सेटमा फर्किन हतार नगर्न टोलीलाई निर्देशन दिएका छन्।

स्वास्थ्य लाभ गरिरहेकी हुनाले चलचित्रको आगामी सुटिङ तालिकामा परिवर्तन गरिएको छ। उनी सेप्टेम्बरको अन्त्य वा अक्टोबरको पहिलो साता ‘राका’ को सुटिङ सेटमा फर्कन सक्छिन्।

‘राका’ अल्लु अर्जुनको मुख्य भूमिका रहेको एक विज्ञान कथा (साइन्स फिक्सन) मा आधारित चलचित्र हो। यस चलचित्रमा उनको फर्स्ट लुक सार्वजनिक भइसकेको छ । जसमा उनी आँखामा गाजल लगाएको र सेतो दाह्री पालेको अवस्थामा देखिएका छन्। तस्बिरमा उनी अगाडि हेरिरहेको देखिन्छन् भने पञ्जाजस्तो देखिने हातले उनको आधा अनुहार छोपेको छ। यो कुरा उल्लेखनीय छ कि यस चलचित्रमा दीपिका पादुकोण, जान्हवी कपुर र मृणाल ठाकुरले पनि महत्त्वपूर्ण भूमिका निर्वाह गरेका छन्।

रश्मिका मन्दाना हाल ‘मायसा’ चलचित्रमा काम गरिरहेकी छिन्, जसको निर्देशन नव निर्देशक रविन्द्र पुल्लेले गर्दैछन्। यसका साथै उनको सूचीमा ‘रणबली’ पनि समावेश छ। यो एक ‘पिरियड एक्सन’ चलचित्र हो, जसमा उनीसँगै विजय देवरकोन्डा र आर्नोल्ड भोस्लोको पनि अभिनय रहनेछ। राहुल सांकृत्यायनद्वारा निर्देशित यो चलचित्र यसै वर्ष प्रदर्शनमा आउने अपेक्षा गरिएको छ।

सम्बन्धित समाचार

कियारा अभिनित टक्सिकको पोस्टर रुचाए दर्शकले ऐतिहासिक फिल्म ‘आमा’ को विशेष प्रदर्शन ‘रोड टु एभरेस्ट’ वृत्तचित्रको फर्स्ट लुक पोस्टर र अफिसियल टिजर सार्वजनिक ‘म विवाह गर्न चाहन्नँ तर आमा बन्न चाहन्छु’ रमिला खुमनको तीजगीत ‘जम्छ माया विस्तारै’ सार्वजनिक प्रियंका कार्कीको ‘मास्टर्नी’ १६ बर्ष मुनिकालाई देखाउन नपाइने रेखा थापाको ‘माया भनेकै यस्तो होला’को टिजर सार्वजनिक एआईमा तब्बुलाई देखाउन नपाइने