काठमाडौं । पूर्वप्रधानन्यायाधीश चोलेन्द्र शमशेर जबराले शान्ति सुरक्षा माग गरेका छन् । उनले काठमाडौं उपत्यका प्रहरी कार्यालय, रानीपोखरीलाई पत्र लेख्दै आफ्नो र आफ्ना परिवारको सुरक्षा माग गरेका हुन् । उनले आफू असुरक्षित भएको कुरा प्रहरीले पक्राउ गरेपछि नै थाहा पाएको बताएका छन् ।

प्रहरीले उनलाई शनिबार राति पक्राउ गरेर आइतबार दिउँसो छाडेको थियो । त्यसपपछि मात्रै उनले शान्ति सुरक्षा माग गर्दै प्रहरीमा पत्र लेखेका हुन् ।

उनका तर्फबाट छोरा सचिन्द्र शमशेर जबराले प्रहरीमा निवेदन दिएको जनाइएको छ ।

देशको अवस्था, सामाजिक सञ्जाललगायत सञ्चार माध्यममा आएका कतिपय शान्ति सुरक्षासँग सम्बन्धित प्रश्नहरूको कारण आफू र आफ्नो परिवारको शान्ति सुरक्षामा गम्भीर चुनौती महसुस गरेको उनको निवेदनमा उल्लेख छ ।

पूर्वप्रधानन्यायाधीश जबराको निवेदनमा भनिएको छ, ‘मेरो विगतमा राज्यका अंगहरूमा बहन गरेका जिम्मेवारी, राज्यको न्यायपालिका प्रमुखको हैसियतमा सम्पादन गरेका न्यायिक निर्णयलगायतका कारण पनि ममाथि थप असुरक्षाको महसुस भएको छ । मैले कतिपय कुराहरू हालका मितिमा यस कार्यालयमा आइसकेपश्चात पनि जानकारी पाएँ । यस कारण मलाई सुरक्षा थप गरी पाउन यो निवेदन पेश गरेको छु ।’

आफ्नो निवास, परिवार तथा जिउ ज्यानको सुरक्षामा राज्यको सम्पूर्ण ध्यान पुगोस् भन्ने उनको माग छ । शनिबार राति निवासबाटै पक्राउ परेका जबरालाई प्रहरीले उनकै सुरक्षाका लागि ल्याएको दाबी गरेको थियो । तर उनी कोबाट असुरक्षित भएको भन्ने प्रहरीले खुलाउन सकेको छैन ।

सम्बन्धित समाचार

कांग्रेस इतर समूहको बैठक बस्दै सुत्केरी बिदा बढाएर ६ महिना पुर्‍याउने सरकारको तयारी बाढीपछि सरकारले युद्धस्तरमा काम गरिरहेको छ : लामिछाने सिंहदरबारमा मन्त्रिपरिषद्‍ बैठक सुरु राष्ट्रपति संविधान दिवसमा आयोजित विशेष समारोहमा सरिक बाढी, जलवायु न्याय र विश्वव्यवस्था सम्बन्धमा प्रधानमन्त्री बालेन्द्र शाहको सम्बोधन : ‘हिमालयको चेतावनी सुन्न र त्यसअनुसार काम गर्न तयार रहौँ’ पछिल्लो २४ घण्टामा कास्कीको पञ्चासेमा सबैभन्दा बढी वर्षा बाढीपहिरोबाट पृथ्वी राजमार्गसहित मुख्य सडक अवरुद्ध