जनकपुरधाम । धनुषाको मिथिला बिहारी नगरपालिका–३ मथिलेश्वरमा श्रीमान श्रीमती मृतावस्थामा फेला परेका छन् ।

माइतीघरमा बस्दै आएकी ३० वर्षीया रीनादेवी यादवको घाँटीमा धारिलो हतियार प्रहार भएको घाउ देखिएको छ । उनको हत्या भएको हुनसक्ने प्रहरीले आशंका गरेको छ । उनका श्रीमान् ३५ वर्षीय उमेश यादव घरदेखि करिब एक किलोमिटर टाढा रूखमा झुण्डिएको अवस्थामा आज बिहान मृत फेला परेको जिल्ला प्रहरी कार्यालय धनुषाको प्रवक्ता प्रहरी नायव उपरीक्षक ओमप्रकाश खनालले जानकारी दिए ।

प्रहरीका अनुसार, उमेशले श्रीमतीको हत्या गरी आत्महत्या गरेका हुन् ।

मिथिला बिहारी–४ भरतपुर निवासी उमेश केही दिनअघि मात्रै वैदेशिक रोजगारीबाट घर फर्किएका थिए । उनी घटनाको अघिल्लो दिन मात्रै ससुराली पुगेका थिए ।

मृतक दम्पतीका चार वर्षीय छोरा छन् । बालकको एउटा तिघ्रामा पनि धारिलो हतियार प्रहार भएको घाउ देखिएको प्रहरी नायव उपरीक्षक खनालले बताए । प्रहरी नायव उपरीक्षक खनालले घटनाको प्रकृति शंकास्पद देखिएको बताए । ‘घटनास्थल पुगेर प्रहरीले अनुसन्धान गरिरहेको छ,’ उनले भने ।

घटनाका कारण तथा मृत्युको परिस्थिति’bout प्रहरीले अनुसन्धान गरिरहेको जनाएको छ ।

सम्बन्धित समाचार

उपत्यका छाड्ने यात्रुको चाप उच्च रसुवा बाढी प्रभावित १ हजार ५० जना अझै होल्डिङ सेन्टरमा भोटेकोशी बाढी प्रभावित घरधुरीलाई ४५ हजार रुपैयाँका दरले नगद लमजुङ कालिका : जहाँ देशवासीको कल्याणका लागि गरिन्छ पूजा आश्विन शुक्ल पञ्चमी : स्कन्दमाताको पूजा आराधना गरिँदै रानीपोखरीमा शव फेला तीन हजार ५८५ यात्रुलाई प्रहरी र सशस्त्रको निःशुल्क बस सेवा बडादशैँको समापन नजिकिएसँगै उपत्यकामा फर्किँदै चहलपहल