पोखरा । पोखरामा सोमबार बिहान सडकमा मृत फेला परेका युवकको सनाखत भएको छ । मृत्यु हुनेमा तनहुँको भीमाद निवासी २१ वर्षीय मनोज भुजेल हुन् ।
पोखरा १५ स्थित वन विज्ञान अध्ययन संस्थान नजिकै सडकमा बेवारिसेरुपमा एक युवकको शव फेला परेपछि ‘हत्या’ आशंकाले सनसनी मच्चिएको थियो । प्रहरीको प्रारम्भिक अनुसन्धानमा समेत घटनास्थलमा हथौडा समेत फेला परेकाले हत्या गरी दोषी फरार भएको हुन सक्ने अनुमान थियो ।
तर, अनुसन्धान गदैै जाँदा उक्त घटनाले अर्कै मोड लिएको जिल्ला प्रहरी कार्यालय कास्कीका सूचना अधिकारी हरिबहादुर बस्नेतले जानकारी दिए ।
उक्त घटना ‘हत्या’ नभई ‘दुर्घटना’ भएको घटनामा संलग्न २ जनाको प्रारम्भिक बयानमा खुलेको उनले प्रस्ट पारे । प्रहरीले सो घटनामा नियन्त्रणमा लिएकामध्ये एकजना २० वर्षीय ट्याक्टर चालक र अर्का १४ वर्षीय बालक हुन् । प्रहरीले उनीहरुको नाम सार्वजनिक गरिसकेको छैन ।
सूचना अधिकारी बस्नेतका अनुसार गएराति १२ बजेतिर ट्याक्टरमा ३ जना आउँदै गरेकामा एकजना एक्कासि सडकमा खस्दा चक्कामा परेर सो घटना भएको प्रारम्भिक बयानमा खुलेको छ । हथौडा भने ती युवकले नै समातेको वा टुल बक्सबाट उछ्टििएको भन्ने खुलेको छैन । उनले पोस्टमार्टम रिपोर्ट आइसकेपछि अरु कुराहरु खुल्दै जाने बताए ।
सम्बन्धित समाचार
फेवाताल जोगाउन पिल्लर गाडिने
राष्ट्रिय फूल लालीगुराँस जोगाउन बृक्षारोपण
कडरियालाई यसवर्षको ‘स्वास्थ्यमन्त्री ब्लुम्बर्ग जनस्वास्थ्य पुरस्कार’ प्रदान
डिभाइडरमा ठोकिएर मोटरसाइकल चालकको मृत्यू
हलेसी तुवाचुङले पायो कोशी प्रदेशको ‘पान उत्कृष्ट नगरपालिका पुरस्कार–२०८२’
अमेरिकाबाट डिपोर्ट गरिएका ३७ नेपाली काठमाडौं आइपुगे
