भक्तपुर । जेनजीको नाममा मंगलबार भएको आन्दोलनमा अराजक तत्वले नेपाल स्काउट भक्तपुरको भवनलाई जलाएर क्षतिग्रस्त पारेको छ । “जेन जी” को नाममा भएको आन्दोलनका क्रममा अराजक तथा उच्छृङ्खल व्यक्तिहरुको घुसपैठबाट नेपाल स्काउट, स्थानीय स्काउट कार्यालय भक्तपुर नगरपालिकाको कार्यालयमा आगजनी गरी पूर्ण क्षति गरिएकोमा नेपाल स्काउट, भक्तपुरले खेद प्रकट गरेको छ ।

भक्तपुर दरबार क्षेत्रस्थित जिल्ला प्रशासन कार्यालय, बाल अदालत र महानगरीय प्रहरी परिसरको प्राङ्गणमा रहेको स्काउट जस्तो अर्न्तराष्ट्रिय स्वयंसेवी शैक्षिक अभियानसहित स्थापित सामाजिक संस्थालाई लक्षित गरी भएको आगजनी अक्षम्य रहेको विज्ञप्तिमा उल्लेख छ । आगजनीबाट भवनको भुई तल्ला पूर्णरुपमा क्षतिग्रस्त भएको छ भने कार्यालयमा भएको फर्निचर, नगद, नागरिकता फारम, टेलिफोन सेट लगायतको सामग्री जल्दा करिब १५ लाख बराबरको क्षति भएको छ ।

स्थानीय युवाहरुबाट रोक्न खोज्दा पनि अवरोध गरी उच्छृङ्खल व्यक्तिहरुबाट बेलुका करिब ८ बजे तिर आगजनी भएको स्काउट भक्तपुरले उल्लेख गरेको छ । स्थानीय स्काउट कार्यालय यस घटनाप्रति गम्भीर ध्यानाकर्षण गराउँदै ती उच्छृङ्खल तथा अराजक व्यक्तिहरुको पहिचान गरी यथाशीघ्र कार्वाही गर्न माग गरेको छ ।

सम्बन्धित समाचार

संवैधानिक इजलास गठनमा विवाद छैन : प्रधानन्यायाधीश राउत ट्रकले पैदलयात्रीलाई ठक्कर दिँदा एक जनाको मृत्यु दुई हप्ते अन्तर्राष्ट्रिय मिडियासम्बन्धी गोष्ठी सम्पन्न ग्लोबल समिटमा नौ देशका विधार्थीहरुको आविष्कार प्रदर्शन सोह्र श्राद्ध आजदेखि विधिवत् आरम्भ सरकारको थाप्लोमा २६ खर्ब ६९ अर्ब ऋण अमेरिकाको क्याथोलिक विद्यालयमा भएको गोलीकाण्डमा दुई बालबालिकाको मृत्यु धनगढी उपमहानगरमा अत्याधुनिक दमकल सञ्चालन