पोखरा । राष्ट्रिय स्वतन्त्र पार्टी (रास्वपा) ले कास्कीमा आफ्ना २ वटा वडाका सभापतिहरुलाई कारबाही गरेको छ ।

गत २३ र २४ भदौमा जेन–जी आन्दोलनमा घूसपैठ गरी तोडफोड र आगजनीमा संलग्न भएको भन्दै पोखरा महानगरपालिका वडा १० का सभापति चन्द्रबहादुर थापा र मादी गाउँपालिका वडा ६ का वडा सभापति भोजराज पौडेललाई निलम्बन गरिएको हो ।

पार्टीको गण्डकीका अनुशासन आयोग प्रमुख योगेन्द्र केसीले सोमबार विज्ञप्ति जारी गरी सो कुरा जानकारी दिएका हुन् ।

विज्ञप्तिमा थापा र पौडेलले गलत गतिविधि सामाजिक सञ्जालमा सार्वजनिक गरेको हुँदा अर्को निर्णय नहुञ्जेल निलम्बन गरिएको उल्लेख छ ।

वडा १० का सभापति थापाले पोखराका मेयर धनराज आचार्यको घरमा तोडफोड र आगजनीमा संलग्न भएको फोटो तथा भिडियो सामाजिक सञ्जालमा सार्वजनिक भएको छ ।

पौडेलले भने पोखरास्थित सिंचाइ डिभिजन कार्यालय कास्की र केही व्यक्तिका निजी भवनहरुमा तोडफोड गरेको भिडियो सार्वजनिक सार्वजनिक छ ।

सम्बन्धित समाचार

गण्डकी प्रदेशसभाबाट दलित अधिकार तथा सशक्तिकरण विधेयक पारित माओवादीको आकस्मिक बैठक टारिफाटमा, अभियान स्थगित पोखराका अधिकांश सरकारी कार्यालयमा आगजनी लमजुङ क्याम्पसका ३ विद्यार्थी संगठन इकाई सभापतिले गरे विघटनको घोषणा पोखरामा सरकारी कार्यालय र व्यापारिक प्रतिष्ठान क्षणभरमै भग्नावेश कालीगण्डकी डाइभर्सनको एजेण्डा बनेन कांग्रेसले रामहरि खतिवडालाई संसदीय सुनुवाइ समितिको सभापति बनाउने बाम एकता हुने नै भो