धनगढी । जेन्जी आन्दोलनको क्रममा भदौ २४ गते आगजनी भएको मालोपत कार्यालय र नापी कार्यालय धनगढीको सम्पूर्ण सेवा सुरू हुन अझै एक हप्ता लाग्ने भएको हो । आगजनी र तोडफोड भएको यी दुबै कार्यालयको अहिले मर्मत चलिरहेको छ ।

मालपोत कार्यालयको कोठा नम्बर १२ पूर्ण रुपले जलेकोले अहिले मर्मतको काम भइरहेको प्रमुख मालपोत अधिकृत प्रेमबहादुर दौल्यालले बताए । उनले कार्यालयमा रङ लगाउने काम सकेर कोठा मर्मत गर्ने काम भइरहेको बताए । मालपोत कार्यालयको वाइरिङ पूर्णरुपमा जलेर नष्ट भएकाले तुरून्तै सेवा सुरू गर्न समस्या भएको छ । दुई तले कार्यालय भवनमा आगलागीका कारण वायरिङ जलेर नष्ट भएको छ ।

प्रमुख मालपोत अधिकृत दौल्यालले विद्युत बिना सेवा दिन नसकिने भएकाले वायरिङ गर्दासम्म करिब एक हप्ता लाग्न सक्ने बताएका छन् । कार्यालयमा कम्प्युटर समेत जलेकाले कम्प्युटर प्राप्त हुना साथ सेवा सञ्चालनमा सहज हुने बताए । ’हामीले अहिले रङ लगाउने काम सकेका छौँ । कोठा नम्बर १२ को मर्मत चलिरहेको छ,’ उनले भने, ’वायरिङ गर्न बाँकी नै छ। वायरिङ गरेपछि सेवा सुरू गर्न सहज हुन्छ । सबै सेवा सुरू गर्न एक हप्ता लाग्न सक्छ ।’

नापी कार्यालमा आंशिक सेवा सुरू
नापी कार्यालय धनगढीबाट भने आंशिक सेवा मात्रै सुरु भएको छ । कार्यालयको एक कोठमा आगजनी भएको थियो भने कम्प्युटर फुटाइएकाले सेवा सञ्चालनमा समस्यम भएको छ ।

मालपोतको काम सुरू हुनासाथ नापीकाट दिइने सम्पूर्ण सेवा सुरू हुने प्रमुख मालपोत अधिकृत जनकराज भट्टले बताए । उनले नक्सा उतार र फिल्ड बुक उतारको काम भने सुरू भएको जानकारी दिए । ’हामीले नक्सा र फिल्ड बुक उतारको काम गर्न थालेका छौँ । कर्यालयका सम्पूर्ण कम्प्युटर र उपकरणमा क्षति भएको छ भने मालपोतको सेवा समेत सुरू नभएकाले हामीले पनि सबै सेवा सुरू गर्न सकेका छैनौँ,’ उनले भने, ’कम्प्युटर भयो र मालपोतको सेवा सुरू भयो भने हाम्रो कार्यालयको पनि सबै सेवा सुरू हुन्छन् ।’

नापी र मालपोत कार्यालयका कम्प्युटर लगायतका उपकरणमा तोडफोड र आगजनी गरेर नष्ट भएका छन्। जसका कारण पनि सेवा सुचारू गर्न समस्या भएको अधिकारीहरूले बताएका छन् ।

सुदूरपश्चिमका १७ पालिका कार्यालयमा क्षति
जेन्जीको आन्दोलनले सुदूरपश्चिमका सार्वजनिक सम्पत्तिमा ठूलो क्षति पुग्यो । नेपाल नगरपालिका संघले संकलन गरेको तथ्यांकमा पनि यहाँका भौतिक संरचनामा ठूलो क्षति पुगेको उल्लेख छ । सुदूरपश्चिममा पाँच वटा नगरपालिकामा आगजनी भएको छ ।

यस्तै जेन्जी आन्दोलनले क्षति पु¥याएका गाउँपालिका भवनको विवरण पनि सार्वजनिक भएको छ । गाउँपालिका राष्ट्रिय महासंघले जेनजी आन्दोलनका कारण क्षति पुगेका गाउँपालिका, वडा कार्यालय र जनप्रतिनिधिका घरहरूको तथ्यांक सार्वजनिक गरेको हो ।

तथ्यांकअनुसार सुदूरपश्चिम प्रदेशमा गाउँपालिकाको प्रशासनिक भवन १ पूर्ण र ५ आंशिक रूपमा क्षति भएको छ । वडा कार्यालयको भवन १३ आंशिक रूपमा क्षति भएको छ । यस प्रदेशमा जनप्रतिनिधिको २ घर पूर्णरूपमा क्षति भएको छ ।

गाउँपालिका राष्ट्रिय महासंघले घटनाको निन्दा गर्दै यस्ता गतिविधिले स्थानीय सरकारको कार्य सञ्चालनमा बाधा पुगेको बताएको छ । महासंघले सम्बन्धित निकायलाई घटनाको छानबिन गरी दोषीलाई कारबाही गर्न आग्रह गरेको छ ।

सम्बन्धित समाचार

प्रदेश मन्त्रालयको मुचुल्का लिँदै प्रहरी बालिका करणी अभियोगमा अछामका महेश पक्राउ धनगढीको पार्कमोडदेखि कभर्डहलसम्मको सडकलाई ‘जेन्जी मार्ग’ नामाकरण गरिने सुदुरपश्चिममा बुढी पोल्ने पर्व मनाइयो २४० फर्किए, अझै ४२६ कैदीबन्दी फरार धनगढीमा जले ४ करोड ५२ लाखका इम्बोस्ड नम्बर प्लेट