रौतहट । रौतहटमा सोमबार बिहान बाढीको पानी जमेको खाल्टोमा परेर तिनजना बालिकाको मृत्यु भएको छ । सोमबार बिहान रौतहटको राजदेबी नगरपालिका वार्ड नं. ८ लक्ष्मीपुरका ३ जना बालिकाको पानीको एउटै खाल्टोमा परेर मृत्यु भएको हो ।

मृत्यु हुनेमा राजदेवी न.पा. ८ लक्ष्मीपुर टोल बस्ने ईन्दल बैठाको १३ बर्षिय छोरी आस्था कुमारी बैठा सोही गाउका नवल यादवको १५ बर्षिय छोरी राघनी कुमारी यादव र रुपा बैठाको १५ बर्षिय छोरी मौसमी कुमारी बैठा रहेको जिल्ला प्रहरी कार्यालय रौतहटका निमित्त सुचना अधिकारी तथा प्रहरी निरीक्षक राम कुमार महतोले जानकारी दिएका छन् ।

घास काटनको लागी लक्ष्मीपुरबाट गौर नगरपालिकाको वार्ड नं. १ कानुपट्टी स्थीत भित्री सडक खण्डमा बाटोमा बाढीको पानी जमेको खाल्टोमा तरने क्रममा डुबेर मुत्यु भएको प्रहरी निरिक्षक महतोले जानकारी दिए । आज बिहानै एउटैटोलका ७ जना बालिकाहरु घास काटन गएका थिए । जसमध्ये ४ जना सकुसल पानीको खाल्टो तरेको र बाकी ३ जना बेपत्ता भएको प्रहरी निरिक्षक महतोले बताए ।

सकुसल उद्दार हुनेहरुमा सोही लक्ष्मीपुर गाउकी उमेश रामको १५ बर्षिय छोरी मुस्कान कुमारी राम, बिपत बैठाको छोरी १३ बर्षिय मुस्कान कुमारी बैठा, दिनेश रामको छोरी १० बर्षिय चन्द्रमुखी कुमारी राम र जोधन बैठाको १५ बर्षिय छोरी सुनिता कुमारी बैठा रहेको उनले जानकारी दिएका छन ।

बालिकाहरु पोखरीमा डुबेर बेपत्ता भएपछि भन्सार सुरक्षा गार्ड प्रहरी सहायक निरिक्षक गोपाल सहनी गोढीको नेतृत्वमा ६ जना, जिल्ला प्रहरी कार्यालय रौतहटका प्रहरी नायब निरिक्षक तुल प्रसाद पुडासैनीको नेतृत्वमा ७ जना (दैविक प्रकोपको समाग्री सहित) सशस्त्र प्रहरी निरिक्षक भुवन घिमिरेको नेतृत्वमा ११ जना र विर दल गण पुरेनवा व्यारेकबाट मेजरको नेतृत्वमा १९ जनाको टोलीले बेपत्ता बालिकाहरुको उद्दार गरेको समेत महतोले बताए ।

उद्दारपछि बालिकाहरुको उपचारको लागी प्रादेशिक अस्पताल गौर लगिएको र उपचारको क्रममा चिकित्सकहरुले परिक्षण गर्दा तिनैजना बालिकाकहरुलाइ मृत घोषणा गरेको महतोले जानकारी दिए ।

सम्बन्धित समाचार

कारागारबाट भागेका कैदीबन्दीलाई असोज २० गतेसम्म फर्किने मौका सप्तरीमा सवारी दुर्घटनामा वृद्धाको मृत्यु वीरगञ्जको होटलमा भारतीय बुवा-छोराको शव फेला सप्तरीको रुपनीमा आगलागिबाट आधा दर्जन घर खरानी पर्साका पत्रकारलाई स्थानीय युवाले दिए प्रेस ज्याकेट जेनजी आन्दोलनले ओझेल ‘हैजा महामारी’ रोक्न खोप अभियान सुरु जमिनको बिवादमा कुटपिट हुदा रौतहटमा १ को मृत्यु सप्तरीका दुई पालिकामा महिला र बालबालिका हिंसाविरुद्ध निर्देशिका पारित