गुल्मी । गुल्मीको रेसुङ्गा नगरपालिका–१ स्थित महेन्द्र माध्यमिक विद्यालय कक्षा ७ मा पढ्ने छात्रा सम्पदा पाण्डे शुक्रबार दिनभर विद्यालयमा पुरी र अचार बनाउने कार्यमा व्यस्त भइन् । बनाएका पुरी र अचार विद्यालयमै बिक्री भए । उक्त खानेकुरा बनाउनको लागि साथिहरुले बजारबाट आवश्यक पिठो, प्याज, आलु लगायतका सामग्री किने । त्यसरी विद्यालयमै परिकार बनाएर बिक्री गर्नको लागि उनीहरुले एक सय ५० रुपैँया उठाएका थिए । ‘पुरीलाई २० र अचारलाई १० रुपैँयामा बिक्री ग¥यौं ।’ पाण्डेले भनिन्, ‘व्यापारको ’boutमा धेरै कुरा सिक्ने अवसर भएको छ ।’

कक्षा १० मा पढ्ने अर्की विद्यार्थी शहारा थापाले पनि मम र पुुरीको व्यापार गरिन् । साथिहरुले नै पैसा उठाएर सामान किने । साथिहरुले नै परिकार बनाए र साथिहरुले नै बिक्री गरे । विद्यालयमा आएका अभिभावक, विद्यार्थी, शिक्षक एवं विभिन्न अतिथिहरुले उनीहरुले बनाएको परिकार खरिद गरी सेवन गरे । ‘साथिहरुले नै पैसा उठायौँ, नाफा÷घाटा हामी आफै व्यहोर्छौ ।’ उनले भनिन्, ‘हिसाब पनि आफैले राखेका छौँ ।’ उनले आफुहरुको कार्यमा शिक्षक एवं विद्यालय परिवारले पूर्णरुपमा सहयोग गरेको बताइन् ।

पाण्डे र थापा त विद्यालयमा परिकार बनाउने र बिक्री गर्ने केही प्रतिनिधिमुलक पात्र मात्रै हुन् । उनीहरुजस्तै विद्यालयका धेरै विद्यार्थीहरुले शुक्रबार विद्यालयमै विभिन्न परिकार बनाएर बिक्री गरेका छन् । फुड फेस्टिबलमा पकौडा, सेल, मम, चाउमिन, रसवरी, पुरी, रोटी, अचार लगायतका परिकार बनाइएको थियो । त्यसरी पकाइएका परिकारलाई विभिन्न ४७ वटा स्टलबाट विद्यार्थीहरुले नै बिक्री गरेका थिए । कक्षा ५ देखि १२ सम्मका विद्यार्थीलाई विभिन्न समुहमा विभाजन गरेर फेस्टिबल गरिएको थियो ।

महेन्द्र माध्यमिक विद्यालयले शुक्रबारीय कार्यक्रमअन्तरगत विद्यालयमा फुड फेस्टिबल अर्थात खाद्य महोत्सवको आयोजना गरेको छ । विद्यार्थीहरुलाई नेपाली खानाका प्रकारहरु, बनाउने तरिका, बजारमा परिकार बिक्री गर्ने तरिका, मूल्य निर्धारण लगायतका बिषयमा ज्ञान दिने उदेश्यले महोत्सवको आयोजना गरिएको हो ।

प्रधानाध्यापक कृष्ण प्रसाद मरासिनीले विद्यार्थीहरुले स्वतःस्फूर्तरुपमा उनीहरुमा रहेको प्रतिभा एवं सीपलाई उजागर गर्ने उदेश्यले फुड फेस्टिबलको आयोजना गरेको बताए । विद्यार्थी सामाजिकीकरण हुने, मार्केटिङ्ग सीपको विकास हुने, उनीहरुमा रहेको सीपलाई उजार गर्ने तथा व्यवहारिक शिक्षाको विकास गराउनको लागि फेस्टिबलको आयोजना गरेको मरासिनीको भनाई छ । फुड फेस्टिबल अवलोकन गर्न पुगेका अभिभावक गणेश श्रीपालीले हाम्रो शिक्षाले दैनिक जिवनका काम गर्न अलग गराएका बेला विद्यालयले विद्यार्थीलाई कामसँग जोडेको बताए ।

सम्बन्धित समाचार

मोटरसाइकल ग्यारेजमा आगलागी हुँदा ६० लाखको क्षती आत्मनिर्भर बनाउन सीप सिकाउँदै रामपुर नगरपालिका अर्घाखाँचीमा विद्यार्थी सवार जिप दुर्घटना हुँदा चालकको मृत्यु फिरन्तेका रैथाने सीप, राउटे महिलाका ‘आर्थिक दीप’ पहिलो कविता फिल्म महोत्सव आयोजना गरिने मटिहानीमा एकीकृत घुम्ती सेवा शिविर सञ्चालन गुल्मीको हाडहाडेमा आठकोठे विद्यालय भवन निर्माण हुँदै सत्र वर्षमा ४७ लाख बढीले गरे नारायणहिटी सङ्ग्रहालय अवलोकन