मकवानपुर । मकवानपुर जिल्ला भीमफेदी गाउँपालिका–६ जुरीखेत सडक खण्डमा सुमो दुर्घटना हुँदा ६ जनाको ज्यान गएको छ । दुर्घटनाबाट ४ जनाको घटनास्थल मै ज्यान गएको प्रहरीले जनाएको छ । अर्को २ जनाको उपचारको क्रममा हेटौंडा अस्पतालमा ज्यान गएको हो । अन्य ३ जनाको हेटौंडा अस्पतालमा उपचार हुंदैछ ।

स्थित भीमफेदी–कुलेखानी–काठमाडौँ सडक खण्डमा काठमाडौँबाट हेटौंडातर्फ आउँदै गरेको सुमो साँझ दुर्घटना भएको थियो । आइतबार साँझ काठमाडौँबाट हेटौंडातर्फ आउँदै गरेको ना १ज १७७८ नम्बरको सुमो सडकबाट करिब १०० मिटर तल खोल्सामा खस्दा दुर्घटना भएको जिल्ला प्रहरी कार्यालय मकवानपुरले जनाएको छ ।

सुमोमा ६ जना पुरुष, १ महिला, १ बालिका र १ बालक रहेका थिए । मृतक तथा घाईतेहरुको सनाखत हुन बाँकी रहेको जिल्ला प्रहरी कार्यालय मकवानपुरले जनाएको छ ।

सम्बन्धित समाचार

हत्या गरेको अभियोगमा राई पक्राउ पेट्रोल छर्केर आगो लगाइ हत्या गरेको अभियोगमा पक्राउ राहदानी लगायतका कागजात वडा तहबाटै उपलब्ध गराउने तयारी सुशीला हत्याः मृतकको घरमा तोडफोड कोरिया पठाउन माग गर्दै इपीएस शाखा कार्यालयमा प्रदर्शन तेह्रौं दिनमा उठ्यो सुशीलाको शव विकासका लागि समन्वय गर्दै चितवनका पालिकाहरू