काठमाडौं । सामसंग नेपालले स्मार्ट र रमाइलो होम कुकिंगलाई प्रोत्साहन दिने उद्देश्यले हालै एक विशेष ‘माइक्रोवेभ मास्टरक्लास’ सफलतापूर्वक आयोजना गरेको छ ।
शनिबार अप्रिलमा द्वारका प्यालेसमा आयोजित यस कार्यक्रममा १७ वर्षभन्दा बढी अनुभव भएका व्यावसायिक शेफ निमेश उलकको सहभागिता रहेको थियो । यस मास्टरक्लासले सहभागीहरूलाई सामसंगको माइक्रोवेभ रेन्जको बहुउपयोगिता प्रत्यक्ष रूपमा अनुभव गर्ने अवसर प्रदान गरेको थियो ।
कार्यक्रममा मोडर्न माइक्रोवेभ प्रविधिद्वारा घरमै खाना बनाउँदा स्वाद र पोषण कायम राख्दै पकाउने प्रक्रियालाई कसरी सजिलो बनाउन सकिन्छ भन्ने प्रदर्शन गरिएको थियो ।
सहभागीहरूले सामसंगका Solo, Grill र Convection मोडलहरू प्रयोग गरी व्यवहारिक कुकिङ्ग सीप र सिर्जनात्मक परिकारहरू सिक्ने मौका पाए ।
शेफ उलकले खाना छिटो तताउने, ग्रिल गर्ने, बेकिङ गर्ने र मल्टि-स्टेज कुकिङका विभिन्न तरिकाहरू प्रस्तुत गर्दै सामसंगको माइक्रोवेभ लाइनअप व्यस्त जीवनशैली भएका परिवारहरूका लागि स्मार्ट र सहज हुने कुरा प्रष्ट पारे ।
यस मास्टरक्लासले खाना पकाउने उत्साही, गृहिणी र प्रविधिप्रेमी उपभोक्ताहरूलाई आकर्षित गरेको थियो । नि:शुल्क दर्ताको सुविधा सहित आयोजना गरिएको यस कार्यक्रममा सहभागीहरूले माइक्रोवेभले कसरी दैनिक दिनचर्या परिवर्तन गर्न सक्छ भन्ने प्रत्यक्ष अनुभव गरे ।
साथै, कार्यक्रममा सामसंग स्मार्टथिंग्स एपको प्रत्यक्ष प्रदर्शन गर्दै कसरी वाशिङ मेसिन र रेफ्रिजरेटर जस्ता उपकरणहरूलाई लिङ्क गरेर दैनिक कार्यलाई सरल बनाउन सकिन्छ भन्ने पनि देखाइएको थियो ।
इनोभेटिभ किचन समाधानमार्फत ग्राहकहरूलाई सशक्त बनाउने सामसंगको यो प्रयासले परिवारहरूलाई आफ्नै भान्सामा नयाँ परिकारहरू अन्वेषण गर्न प्रेरित गर्ने लक्ष्य राखेको छ ।
आधुनिक जीवनशैली अनुरूपका यी माइक्रोवेभ रेन्जहरू हाल देशभरका आधिकारिक सामसंग स्टोरहरूमा उपलब्ध छन् ।
