धनगढी । कैलालीको धनगढी उपमहानगरपालिकाले सञ्चालन गरेको ‘विशेषज्ञ वडा स्वास्थ्य क्लिनिक’ कार्यक्रमबाट चालु आर्थिक वर्ष २०८२/०८३ को साउनदेखि चैत मसान्तसम्म २७ हजार ८३९ जना बिरामीले निःशुल्क स्वास्थ्य सेवा लिएका छन् ।

ग्रामीण क्षेत्रका गरिब तथा विपन्न नागरिकलाई लक्षित गर्दै सुरु गरिएको उक्त कार्यक्रमअन्तर्गत २० हजार ८७५ महिला र ६ हजार ९६४ पुरुषले गरि २७ हजार ८३९ जना बिरामीले सेवा लिएका हुन ।

कार्यक्रमका स्रोत व्यक्ति कृष्ण बोहराका अनुसार कार्यक्रममा एक जना जनरल फिजिसियन, एक जना स्त्री तथा प्रसूति रोग विशेषज्ञ, साथै गेटा आँखा अस्पताल र धनगढी नेत्रालयको सहकार्यमा आँखारोग विशेषज्ञमार्फत सेवा प्रदान गरिएको छ ।

सेवाग्राहीमध्ये १६ हजार ९०० जनाले जनरल फिजिसियन, ३ हजार ७१५ महिलाले स्त्री तथा प्रसूति सेवा र ७ हजार २२४ जनाले आँखासम्बन्धी सेवा लिएको बोहराले जानकारी दिए ।

त्यस्तै, १८ हजार १६ जनाले प्रयोगशाला सेवा, ३ हजार ८७ जनाले इसिजी, ३ हजार ४९८ गर्भवतीले नियमित जाँच सेवा लिएका छन् भने १ हजार ३०६ जनाले अल्ट्रासाउन्ड सेवा पाएका छन् । ७० वर्षभन्दा माथिका ६ हजार ४६२ ज्येष्ठ नागरिक पनि यस कार्यक्रमबाट लाभान्वित भएका छन् ।

वि.सं. २०७९ साउनदेखि सुरु गरिएको यो कार्यक्रम हाल धनगढीका १९ वटै वडामा हरेक महिना सञ्चालन हुँदै आएको छ ।

गत आर्थिक वर्ष २०८१/८२ मा मात्रै ३३ हजार १४१ महिला र ११ हजार ३१० पुरुष गरी कुल ४४ हजार ४५१ जनाले यस कार्यक्रमबाट सेवा लिएका उपमहानगरपालिकाले जनाएको छ ।

सम्बन्धित समाचार

सुदूरपश्चिममा आगामी शैक्षिक सत्रदेखि चिकित्सा शिक्षा पढाइ हुने धनगढीका सामुदायिक विद्यालयमा कक्षा ८ नतिजामा सुधार : ३ वर्षमा ९ बाट ५० प्रतिशत नाघ्यो शुक्लाफाँटामा क्षयरोगीको सङ्ख्या बढ्दो धनगढीमा ‘बुक फ्रि फ्राइडे’ प्रभावकारी : विद्यार्थी पढाई सँगै सीप सिक्दै धनगढी उपमहानगरद्वारा २५ उत्कृष्ट विद्यालयलाई ब्यान्ड बाजासहित सम्मान आचार्य कृष्णलाई धनगढीले दियो शिक्षामार्फत छुवाछुत अन्त्य गर्ने जिम्मेवारी फरक क्षमता भएका बालबालिकाको स्याहारमा समस्या विषादीरहित तरकारी उत्पादनमा किसान