धनगढी । जिल्ला प्रहरी कार्यालय कैलाली र लागूऔषध नियन्त्रण ब्यूरो शाखा महेन्द्रनगरको संयुक्त टोलीले ठूलो परिमाणको लागूऔषध (ब्राउन सुगर)सहित दुई जनालाई पक्राउ गरेको छ ।

पक्राउ पर्नेमा कैलालीको धनगढी उपमहानगरपालिका–९ बंग्राकटानका २७ वर्षीय निराजन ठकुल्ला र भारत पलियाका २८ वर्षीय रिक्कल गुप्ता रहेका छन् ।

प्रहरीका अनुसार आज बिहिबार दिउँसो वडा प्रहरी कार्यालय धनगढीका प्रहरी निरीक्षक बलराम पाण्डेय र लागूऔषध नियन्त्रण ब्यूरो शाखा महेन्द्रनगरका प्रहरी बरिष्ठ नायब निरीक्षक केशबराज जोशीको नेतृत्वमा खटिएको टोलीले धनगढी–जुगेडा सडक खण्डमा विशेष सूचनाको आधारमा चेकजाँच गर्ने क्रममा उनीहरूको साथबाट १४५ ग्राम ब्राउन सुगरजस्तो देखिने धुलो पदार्थ बरामद गरेको हो ।

बरामद पदार्थको प्रकृति र तौल हेर्दा उनीहरूले ठूलो परिणाममा लागूऔषध कारोबार गर्नेगरेको हुनसक्ने प्रहरी अधिकारीहरूले बताएका छन् । पक्राउ परेका दुबै जनालाई थप अनुसन्धानको लागि जिल्ला प्रहरी कार्यालय कैलालीमा राखिएको छ ।

घटनास्थल जिल्ला प्रहरी कार्यालय कैलालीबाट करिब १ किलोमिटर पूर्व–दक्षिणमा रहेको प्रहरीले जनाएको छ।

सम्बन्धित समाचार

४० लाख मूल्य बराबरको अवैध समानसहित दुई पक्राउ चिसाङ खोलामा अवैध उत्खनन् नियन्त्रणमा सक्रिय लेटाङ प्रहरी सशस्त्र प्रहरीका डीआईजी अञ्जनीकुमार पोखरेल एआईजी बढुवाका लागि सिफारिस फूल फुलेर रंगिएको धनगढी (फोटोफिचर) वैशाखमा पक्राउ परे एक हजार बढी लागुऔषध कारोबारी राति १० बजेसम्म मात्रै बल्ने धनगढीका सडक बत्ती एसइई २०८२ : उत्कृष्ट नतिजा ल्याउने धनगढीका २० विद्यालय सम्मानित महाकाली नदीमा सेनाको विपद् अभ्यास