काठमाडौं । ब्ल्याकमेल गरी पैसा माग्ने जस्ता अवैध गतिविधिमा संलग्न रहेको अभियोगमा काठमाडौं महानगरपालिका–१६ बस्ने २५ वर्षीय महमद मजिदुल इस्लामसहित १५ जना बंगलादेशी नागरिकलाई प्रहरीले शुक्रबार पक्राउ गरेको छ ।
काठमाडौं ठमेल एरियामा बंगलादेशीलगायतका विदेशी नागरिकले भिजिट भिसामा नेपाल आई भिसाको उद्देश्य विपरित शंकास्पद रूपमा बसेको सूचनाका आधारमा काठमाडौं उपत्यका अपराध अनुसन्धान कार्यालयबाट खटिएको प्रहरीले उनीहरूलाई पक्राउ गरेको हो ।
प्रारम्भिक अनुसन्धानको क्रममा उनीहरूले काठमाडौं महानगरपालिका–१६ पकनाजोलस्थित होटल एसीइको चौथो, पाँचौ, छैटौ तल्लाका कोठा भाडामा लिई अवैध रूपमा विदेशी मोडल तथा युवतीहरूको फेक फेसबुक एकाउन्ट बनाई बंगलादेशी र भारतीय नागरिकहरूलाई साथी बनाई कुराकानी गर्ने, ब्ल्याकमेल गरी पैसा माग्ने जस्ता अवैध गतिविधिमा संलग्न रहेको प्रहरीको आरोप छ ।
