मुम्बई । बलिउड अभिनेत्री ज्याकलिन फर्नान्डेजमाथि लागेको सुकेश चन्द्रशेखरसँग सम्बन्धित २०० करोड रुपैयाँको मनी लान्ड्रिङ मुद्दा पेचिलो बन्दै गएको छ । सुरुमा उनले २०० करोड रुपैयाँको मनी लान्ड्रिङ मुद्दामा आफू विरुद्धको कारबाहीलाई चुनौती दिएकी थिइन् । चुनौती स्वरुप उनले सर्वोच्च अदालतमा आफ्नो तर्फबाट केही समय अघि निवेदन दिएकी थिइन् । उनले सो निवेदन बिहीबार सर्वोच्च अदालतबाट फिर्ता लिएकी छिन् ।

उनले आफ्नो माग दाबी फिर्ता लिएपछि यो मुद्दा अब ट्रायल कोर्टमा फर्किएको छ, जसले ज्याकलिनको कानुनी रणनीतिमा ठुलो मोड ल्याएको छ । अभिनेत्रीले अब उच्च अदालतको सट्टा तल्लो अदालतबाट कानुनी राहत खोज्ने निर्णय गरेकी छिन् । न्यायाधीश बेला त्रिवेदी र पंकज मिथलको इजलासले मुद्दाको बहस गरेको छ । बहसमा ज्याकलिनका वकिलले ट्रायल न्यायाधीशसमक्ष आफ्नो तर्क विस्तृत रूपमा प्रस्तुत गर्न सकुन् भनेर याचिका फिर्ता लिन अनुरोध गरे । यो आरोपलाई समयमै न्याय दिलाउँदै ट्रायल स्तरमा आफ्नो मुद्दालाई बलियो रूपमा प्रस्तुत गर्ने उद्देश्यले आफूले सर्वोच्चबाट उजुरी फिर्ता लिएको अभिनेत्री ज्याकलिनले बताएकी छिन् ।

भारतको प्रवर्तन निर्देशनालय (ईडी) ले ज्याकलिनले सुकेश चन्द्रशेखरसँग सम्बन्धित २०० को आपराधिक आम्दानीबाट फाइदा उठाएको आरोप लगाएको छ । यी गम्भीर आरोपबिच पनि अभिनेत्री ज्याकलिन हाल नियमित जमानतमा छिन् । उनको कानुनी टोलीले अब आरोपहरू तथ्यहीन बनाउने काममा मात्र ध्यान केन्द्रित गर्ने जनाएको छ । ट्रायल कोर्टले मुद्दा अगाडि बढाउन पर्याप्त प्रमाण छ कि छैन भनेर निर्धारण गर्नेछ। यो ज्याकलिनको करियर र सार्वजनिक छविको लागि महत्त्वपूर्ण अवधि हो ।

कामको लागि विदेश यात्रा गर्न रोक लागेपछि ज्याकलिन तनावमा छिन् । उनले विदेश यात्रा गर्नु अघि हाल अदालतको अनुमति लिनुपर्छ । यो कानुनी प्रक्रियाले उनको अन्तर्राष्ट्रिय सुटिङ र विश्वव्यापी सम्झौताहरूमा असर गरिरहेको छ । चलचित्रको सुटिङ र अदालतको मिति समन्वय गर्नु पनि उनको लागि चुनौतीपूर्ण छ । उनीसँग सम्बन्धित ब्रान्डहरू पनि अहिले यो प्रकरणले चिन्तामा छन् ।

अदालतका अनुसार ट्रायल कोर्टले चाँडै अर्को सुनुवाइको लागि नयाँ मिति तय गर्नेछ । यो विषयलाई बलिउडकर्मीले समेत नजिकबाट निगरानी गरिरहेका छन् । आगामी महिनाहरूमा हुने ट्रायलको नतिजाले ज्याकलिनको भविष्यका परियोजनाहरू निर्धारण गर्ने विश्वास गरिएको छ ।

सम्बन्धित समाचार

‘कुम कुम भाग्य’की अभिनेत्रीले गरिन आत्महत्या अन्तर्राष्ट्रिय बजारमा चलचित्र ‘पेन्सन पट्टा’ ‘हली’ टिजरमा छाउपडी पीडा आफ्नै जीवनीमा बनिरहेको चलचित्र रोक्न अदालत पुगे सलमान खान ‘हली’ टिजरमा महिनावारी पीडा विदेशमा नेपाली चलचित्रको कमाई स्वदेश भित्राउन चोर बाटो ७ दिवसीय छायांकन कार्यशाला गोष्ठी सम्पन्न ओस्कारमा जान ‘एलिफेन्ट्स इन द फग’ भदौमै रिलिज