लुम्बिनी प्रदेशमै उत्कृष्ट बन्यो शिवराज अस्पताल

कपिलवस्तु । कपिलवस्तुको शिवराज अस्पतालले स्वास्थ्य तथा जनसंख्या मन्त्रालयअन्तर्गत सञ्चालन हुने न्यूनतम सेवा मापदण्ड (Minimum Service Standards–MSS) मूल्यांकनमा लुम्बिनी प्रदेशका प्राथमिक अस्पतालमध्ये सर्वाधिक अंक प्राप्त गर्दै उत्कृष्ट स्थान हासिल गरेको छ।

न्यूनतम सेवा मापदण्डमा सबैभन्दा बढी अंक

सार्वजनिक गरिएको MSS ड्यासबोर्डअनुसार शिवराज अस्पतालले ६२ अंक प्राप्त गर्दै प्रदेशका सबै प्राथमिक अस्पताललाई पछि पारेको हो। अस्पतालका डा. दुर्गेश चौधरीका अनुसार पिपरा अस्पतालले ६०, चिसापानी अस्पतालले ५९ तथा लमही अस्पतालले पनि ५९ अंक प्राप्त गरेका छन्। यस उपलब्धिसँगै शिवराज अस्पताल लुम्बिनी प्रदेशकै उत्कृष्ट प्राथमिक अस्पतालका रूपमा स्थापित भएको उनले बताए।

स्वास्थ्य तथा जनसंख्या मन्त्रालयले सञ्चालन गर्ने न्यूनतम सेवा मापदण्ड मूल्यांकनअन्तर्गत अस्पतालको सेवा प्रवाह, व्यवस्थापन, जनशक्ति, भौतिक पूर्वाधार, औषधि तथा उपकरण व्यवस्थापनलगायत विभिन्न सूचकका आधारमा अस्पतालको कार्यसम्पादन मूल्यांकन गरिने व्यवस्था छ।

अस्पतालका मेडिकल सुपरिटेन्डेन्ट डा. हरि प्रसाद पाण्डेले यो सफलता अस्पतालका चिकित्सक, स्वास्थ्यकर्मी तथा सम्पूर्ण कर्मचारीको सामूहिक मेहनतको परिणाम भएको बताए। सेवाग्राहीप्रति आभार व्यक्त गर्दै उनले प्राप्त उपलब्धिले थप जिम्मेवारी थपिएको उल्लेख गरे। आगामी दिनमा सेवा गुणस्तर, व्यवस्थापन र बिरामीमैत्री स्वास्थ्य सेवा अझ प्रभावकारी बनाउँदै लैजाने प्रतिबद्धता पनि उनले व्यक्त गरे।

यसैबीच, कृष्णनगर नगरपालिकाका नगर प्रमुख रजत प्रताप शाहले शिवराज अस्पतालले लुम्बिनी प्रदेशमै उत्कृष्ट अंक हासिल गर्नु सम्पूर्ण क्षेत्रकै गौरवको विषय भएको प्रतिक्रिया दिए। उनले अस्पतालको यो सफलता चिकित्सक, स्वास्थ्यकर्मी, कर्मचारी तथा व्यवस्थापनको निरन्तर समर्पण र सामूहिक प्रयासको प्रतिफल भएको उल्लेख गर्दै गुणस्तरीय स्वास्थ्य सेवा विस्तारका लागि नगरपालिकाको सहयोग आगामी दिनमा पनि निरन्तर रहने प्रतिबद्धता व्यक्त गरे।

लुम्बिनी प्रदेशका प्राथमिक अस्पतालमध्ये सर्वाधिक अंक प्राप्त गर्दै शिवराज अस्पतालले हासिल गरेको यो सफलता स्थानीय स्वास्थ्य सेवाप्रति नागरिकको विश्वास अझ मजबुत बनाउने अपेक्षा गरिएको छ।

तपाइको प्रतिक्रिया
(Visited 27 times, 1 visits today)

सम्बन्धित समाचार

पानी नपर्दा धानको ब्याड राख्न ढिलाइ रेसुङ्गामा लार्भा नष्ट एवं सरसफाई अभियान रास्वपा लुम्बिनीको नयाँ कार्यसमिति चयन, सभापतिमा घिमिरे निर्वाचित बाँके निकुञ्जमा भौतिक पूर्वाधारमा लगानी गर्न आग्रह रुपन्देहीमा हराएका १०८ जनामध्ये ६१ जना फेला उजुरीपछि अख्तियारको छापा टरिगाउँ विमानस्थललाई हालसम्मकै ठूलो बजेट विनियोजन स्वर्गद्वारी नगरपालिकाका उपप्रमुख मगरको जिप दुर्घटनामा मृत्यु

epaper

प्रमुख

ताजा समाचार

मनसुन क्रमशः सक्रिय हुँदै, असार १६ र १७ गते केही स्थानमा मुसलधारे वर्षा हुने
काठमाडौं । प्रतिनिसिभाको बैठकमा ‘सम्पत्ति शुद्धीकरण ‘मनि लाउण्डरिङ’ निवारण (तेस्रो संशोधन), विधेयक २०८३’ लाई विचार गरियोस् भन्ने प्रस्ताव सर्वसम्मतिले स्वीकृत भएको छ। अध्यादेशलाई प्रतिस्थापन गर्न ल्याइएको यो विधेयकमाथिको सैद्धान्तिक छलफलपछि ...
काठमाडौं । शुक्रवार काठमाडौंको बागबजार स्थित भक्तपुर बसपार्कदेखि श्रेष्ठ टे«लरिङ भवनसम्म सडकको दुवै किनारामा विभिन्न स्टलहरू राखिएको थियो । मध्यान्नदेखि सुरु भएको यो स्टलमा स्थानीय मौलिक खाना, विभिन्न हस्तकलाका सामग्री, ...
फिफा विश्वकप २०२६ को समूह चरणको खेल समाप्त भएको छ । शनिबार रातिदेखि आइतबार बिहानसम्म तीन समूहका अन्तिम ६ खेल सम्पन्न भएपछि समूह चरणको खेल समाप्त भएको हो । समूह ...
काठमाडौँ । हाल कोशी, मधेशस र बागमती प्रदेशका सम्पूर्ण क्षेत्र, गण्डकी प्रदेशका केही तथा लुम्बिनी प्रदेशको पूर्वी क्षेत्रसम्म मनसुन वायुको प्रभाव रहेको छ । अन्य क्षेत्रमा पश्चिमी तथा स्थानीय वायुको ...
काठमाडौं । बौद्धिक कृत्रिमता ( एआई) को क्षेत्रमा नेपाल १ सय ५० औं स्थानबाट माथि उक्लेर १ सय ६ औं साथमा उक्लेको छ । ‘अक्सफोर्ड इनसाइट्स’ को २०२५ को रिपोर्ट ...