धनगढी । कञ्चनपुरमा च्याउ खोज्न जाँदा सम्पर्कविहीन भएका सबै महिला सकुशल फेला परेका छन् । आइतबार शुक्लाफाँटा राष्ट्रिय निकुञ्ज क्षेत्रमा च्याउ खोज्न गएका महिलामध्ये अन्तिम तीन जना– लक्ष्मी थापामगर, मञ्जु क्षेत्री र सीता चौधरी सोमबार बिहान करिब पौने ६ बजे टेलिफोनमार्फत सम्पर्कमा आएका थिए ।

शुक्लाफाँटा राष्ट्रिय निकुञ्जको सुरक्षार्थ खटिएको रणसिंह दल गणका सहसेनानी सुमन केसी नेतृत्वको टोलीले उनीहरूको सकुशल उद्धार गरी परिवारको जिम्मा लगाएको हो ।

प्रहरीका अनुसार वर्षाका कारण लागेको बाक्लो कुहिरोका कारण उनीहरू जंगलमा अल्मलिएर घर फर्किने बाटो बिर्सिएका थिए । त्यसपछि उनीहरू परिवार र सुरक्षाकर्मीको सम्पर्कबाट बाहिर रहेका थिए ।

उनीहरू आइतबार लुकीछिपी च्याउ खोज्न शुक्लाफाँटा राष्ट्रिय निकुञ्जभित्र प्रवेश गरेका थिए । जिल्ला प्रहरी कार्यालय कञ्चनपुरका प्रवक्ता डीएसपी टेकबहादुर रावतले सम्पर्कविहीन भएका सबै महिलालाई सकुशल फेला पारेर आ–आफ्नो घर पठाइसकिएको जानकारी दिए ।

सम्बन्धित समाचार

बझाङको सुगरेमा जिप दुर्घटना : ३ जनाको घटनास्थलमै मृत्यु, १३ जना घाइते अल्पमतका मुख्यमन्त्री शाहका निर्णायक २७ दिन चलचित्र निर्माणमा उत्रिए यी संगीतकार एकीकरण वा नयाँ राजनीतिक दल गठनवारे कांग्रेस संस्थापनइतरमा बहस बञ्जीजम्पप्रति भारतीय पर्यटकको आकर्षण बढ्दो आफ्नै जिल्लामा बजेटको वर्षा, सुदूरपश्चिम सरकारमाथि स्रोत–साधन दुरुपयोगको आरोप कञ्चनपुरमा ७१ जना फरार कैदीबन्दी पक्राउ सशस्त्रले ‘विशेष अधिकार’सहित चार एसएसपीलाई फिल्डमा खटायो, तत्काल कारबाही गर्न सक्नेसम्मको अधिकार