काठमाडौं । सर्वोच्च अदालतले जनआस्था साप्ताहिकका सम्पादक किशोर श्रेष्ठलाई सोमबार उपस्थित गराउन आदेश दिएको छ ।

बन्दी प्रत्यक्षीकरणको रिटमा न्यायाधीश बालकृष्ण ढकालको इजलासले सो आदेश दिएको हो । आदेशमा बरामद सामग्रीसहित उपस्थित गराउन भनिएको छ ।

पत्रकार श्रेष्ठको पक्राउविरुद्ध उनकी श्रीमती सरस्वती श्रेष्ठले बिहीबार बन्दी प्रत्यक्षीकरणको रिट दायर गरेकी थिइन् ।

पत्रकार श्रेष्ठलाई वैयक्तिक गोपनीयतासम्बन्धी ऐन, २०७५ विपरीतको कसुर गरेको आरोपमा प्रहरीले बुधबार राति ललितपुरस्थित उनको निवास नजिकबाट पक्राउ गरेको थियो । पक्राउपछि जनआस्था साप्ताहिकको कार्यालय र श्रेष्ठको निवास खानतलासी गरी कम्प्युटर, ल्यापटप, मोबाइललगायतका विद्युतीय सामग्रीसमेत प्रहरीले जफत गरेको छ । उनलाई अहिले जिल्ला प्रहरी परिसर काठमाडौंको हिरासतमा राखिएको छ ।

पत्रकार श्रेष्ठमाथि अनुसन्धान गर्न अदालतले बिहीबार तीन दिनको म्यादसमेत दिएको थियो ।

पत्रकार श्रेष्ठको पक्राउको विरोध र रिहाइको माग भइरहेको छ । नेपाल पत्रकार महासंघ, नेपाल मिडिया सोसाइटी, विश्व प्रेस काउन्सिल, विभिन्न राजनीतिक दलहरुले विरोध गर्दै उनलाई निःशर्त रिहा गर्न माग गर्दै आएका छन् ।

पकार श्ररुेष्ठ विश्व प्रेस काउन्सिलका वरिष्ठ उपाध्यक्षसमेत रहेका छन् । उनी प्रेस काउन्सिल नेपालका पूर्व कार्यवाहक अध्यक्ष एवं नेपाल पत्रकार महासंघका पूर्व महासचिव पनि हुन् ।

सम्बन्धित समाचार

पाकिस्तानको ब्रोड पिकमा हिमपहिरो जाँदा कीर्तिमानी आरोही निर्मल पुर्जासहित १० जना बेपत्ता सवारी दुर्घटना गराउने चालक २५ देखि ४० वर्ष उमेर समूहका बढी सप्तरीको राजविराज र बोदेबरसाइनमा कर्फ्यु हटाएर निषेधाज्ञा जारी चितवनबाट एक वर्षमा ८९ जना बेपत्ता, खोजी जारी खोलाले बगाएर छोराको मृत्यु भएपछि आमा पनि झुन्डिएको अवस्थामा मृत फेला इटा भट्टाको पर्खाल भत्किँदा दुई मजदुरको मृत्यु दलित समुदायका थर सूचीकरण गर्नुअघि मन्त्रालयद्वारा सुझाव माग सप्तकोशीको धार फेरिँदा श्रीलंका टापुका ६ सय परिवार जोखिममा