काठमाडौं । मकवानपुरको भीमफेदी गाउँपालिका–६ जुरीखेलमा आज बिहान भएको स्कारपियो दुर्घटनामा घाइते भएकी लक्ष्मी बडुको मृत्यु भएको छ ।

काठमाडौंको छाउनीस्थित सैनिक अस्पतालमा उपचारका क्रममा उनको मृत्यु भएको हो । आज मंगलबार बिहान बिहान १०ः०४ बजे अस्पताल पु¥याइएकी ४९ वर्षीया बडुको बिहान १०ः२९ बजे मृत्यु भएको हो ।

लक्ष्मी उच्च अदालत वीरगन्जका रजिस्ट्रार तारादत्त बडुको पत्नी हुन् ।

उच्च अदालत वीरगन्ज पर्साको मुख्य न्यायाधीश, रजिस्टार र गाडी चालकसहित ६ जना सवार प्रदेश ३–०१–००२ झ ५१८३ नं. को स्कारपियो गाडी अनियन्त्रित भई सडकदेखि अन्दाजी ५०/६० मिटर तल खोल्सामा खसेर दुर्घटना भएको थियो ।

घाइतेमध्ये उच्च अदालत वीरगञ्जका मुख्य न्यायाधीश गोकर्ण डाँगी, रितेन्द्र बडु र रिता बडुको उपचार सैनिक अस्पताल छाउनीमा भइरहेको छ ।

यसअघि स्कारपियो चालक छुनिलाल चौधरी र रजिस्ट्रार तारादत्त बडुलाई थप उपचारका लागि हेटौंडा अस्पताल पठाइएको थियो ।

सम्बन्धित समाचार

सरकारले कप्तानगन्ज घटनापीडितलाई राहत प्रदान गर्ने ग्वार्कोस्थित फ्लाइओभरमा बस ठोक्किँदा मृत्यु भएकी महिलाको पहिचान देशका विभिन्न स्थानमा सडक अवरुद्ध, यातायात प्रभावित लुकाएर राखिएको १३ सिलिण्डर ग्यास भेटियो, तिराइयो ५० हजार रुपैयाँ जरिवाना बढे विपद्का घटना, एकै दिन ४१ घटना जेनजी आन्दोलनमा सुन्धारा कारागारबाट फरार बलात्कार मुद्दाका कैदी पक्राउ हराएका बालबालिका खोजतलासमा सरकारको सक्रियता : ८,७२४ मध्ये ८,४३८ फेला, विशेष अभियान सञ्चालन गर्ने तयारी बाजुरामा पहिरोले घर पुरिँदा एक जना बेपत्ता, दुई घाइते