पोखरा । पोखरामा शुक्रबार दिउँसो परेको अविरल वर्षासँगै सडकको नाली बगेर गम्भीर घाइते भएका आमाछोरी दुबैको मृत्यु भएको छ ।
पोखरा–३०, ढुंगेपाटन निवासी २६ वर्षीया सुष्मा दाहाल र उनकी २ वर्षीया छोरी रानीकाको उपचारका क्रममा मृत्यु भएको कास्की प्रहरीले जनाएको छ ।

आमा सुष्माको राति ९ बजेर ४० मिनेटमा र छोरीको शनिबार बिहान १ बजेर २१ मिनेटमा गण्डकी मेडिकल कलेज, नयाँबजारमा निधन भएको प्रहरी निरीक्षक दीपक रिजालले जानकारी दिए ।

बिरौटादेखि पृथ्वीचोकतर्फ जाने क्रममा ग १३ प २८५९ नम्बरको स्कुटर बिग्रिएपछि रोक्ने क्रममा पोखरा–१७, एयरपोर्ट नजिकै हर्क मेयर चोकमा एक्कासि छोरी नालीमा खसेकी थिइन् । छोरीलाई बचाउने क्रममा आमा सुष्मा पनि सँगै नालीमा बगेकी हुन् । उनीहरु करिब ५ सय मिटर तलसम्म बगेकामा बिरौटामा स्थानीय र प्रहरीको सहयोगमा उद्धार गरिएको थियो । स्कुटर सुष्माका पतिले चलाएको बताइएको छ ।

घाइते उनीहरुको गण्डकी मेडिकल कलेजमा उपचारार्थ लगिएको थियो । बाहिरी चोट केही नदेखिए पनि अवस्था गम्भीर रहेको प्रहरीले जनाएको थियो । उनीहरुले धेरै पानी खाएको तथा निसास्सिएको हुन सक्ने प्रहरीको अनुमान छ ।

पोखरामा ठूलो वर्षा हुनासाथ सडक तथा नाली भरिदाँ सर्वसाधारणलाई हिँडडुल तथा सवारी चलाउन निकै समस्या पर्दछ । विगतमा पनि यसप्रकारका घटनाले धेरैले ज्यान गुमाइसकेका छन् ।

सम्बन्धित समाचार

प्रधानमन्त्रीको भिडियो खिचेको भन्दै सेनाले गर्‍यो डिलिट पोखरा बसपार्कका ३२५ परिवार भूमिहीन, बस्ती स्थानान्तरण अर्काे साता चार महिनामा विपद्का पाँच हजारभन्दा बढी घटना, २५० जनाको मृत्यु सरकारसँग १४ बुँदे सहमतिपछि ३२३ लघुवित्त ऋणी घर फर्किए सुन आज पनि तोलामा ३ हजार २०० रुपैयाँले वृद्धि, चाँदीको १० रुपैयाँ घट्यो कपिलवस्तुमा १२ करोड लगानीमा तेल उद्योग सञ्चालन बागमतीका मुख्यमन्त्री थापाले विश्वासको मत लिन बोलाइएको बैठक सोमबार बस्नै सकेन, अर्काे बैठक भोलि ४ बजे कांग्रेस महाधिवेशन रोक्न देउवा समूह पुग्यो सर्वोच्च