काठमाडौं । नेपाली कांग्रेसका सभापति गगनकुमार थापाले बाढी पहिरोका कारण घरबारविहीन भएका नागरिकहरूको अवस्था अत्यन्तै दयनीय रहेको भन्दै उनीहरूको पुनःस्थापनाका लागि विशेष पहल हुनुपर्नेमा जोड दिएका छन् ।

बिहीबार रसुवा बाढी पीडितका लागि पार्टीको विपद् व्यवस्थापन कोषमा काठमाडौं निर्वाचन क्षेत्र नम्बर ४ का १२ वटा इकाइहरूबाट संकलन गरिएको रकम बुझ्दै उनले यस्तो बताएका हुन् । विपद्पछिको वस्तुस्थिति’bout चर्चा गर्दै सभापति थापाले बाढीको विनाश भूकम्पको तुलनामा झनै भयावह रहेको बताए । बाढीले जायजेथा सबै सखाप पारेपछि पीडितहरू हाल विद्यालय र सार्वजनिक भवनहरूमा आश्रय लिन बाध्य भएको र उनीहरूसँग जीविकोपार्जनको कुनै उपाय बाँकी नरहेको उनले उल्लेख गरे ।

सभापति थापाले बाढीले भौतिक पूर्वाधार (बाटो, पुल, विद्यालय) मा पुर्‍याएको क्षतिसँगै व्यक्तिगत सम्पत्तिको क्षति अपूरणीय रहेको बताए । विशेषगरी खोला किनारका साना बजारहरू, जहाँ मानिसहरूले आफ्नो जीवनभरको कमाइ खर्चिएर सानो टुक्रा घडेरी किनेर बसेका थिए, ती बस्तीहरू पूर्ण रूपमा सखाप भएको उनको भनाइ छ ।

सभापति थापाले भने, ‘भूकम्पले घर भत्काए पनि जमिन बाँकी रहन्थ्यो, तर बाढीले त घरसँगै आश्रय दिने जमिन र गरिखाने खेतबारी समेत बाँकी नराखी बगाएर लैजाने रहेछ । कतिपयको ८–९ रोपनी खेत त कतिपयको उठिबास हुने गरी घरजमिन सबै बाढीले बगाएको छ। यस्तो अवस्थामा पीडितहरू पूर्ण रूपमा रित्तिएका छन् ।’

भूकम्पका बेला घर निर्माणका लागि सहुलियत ऋणको व्यवस्था गरिए पनि अहिले बाढीपीडितका हकमा घर बनाउने जमिन नै बाँकी नरहेकाले पुनःस्थापनाको चुनौती अझ जटिल बनेको थापाले बताए । काठमाडौं क्षेत्र नम्बर ४ बाट संकलित उक्त रकम बाढी पहिरो प्रभावितहरूको राहत र सहयोगका लागि पार्टीको केन्द्रीय कोषमार्फत परिचालन गरिने बताइएको छ ।

सम्बन्धित समाचार

देउवा र खड्का कांग्रेस महाधिवेशन रोक्न माग गर्दै पुगे सर्वोच्च सरकारले सामान्य डेलिभरी त दिन सकेको छैन, के को डेभलपमेन्ट गर्नु ? : प्रभु साह मुख्यमन्त्री भट्टद्वारा विधिपूर्वक पूजा गरी बडिमालिकातर्फ पेटारो पठाइयो जेनजी आन्दोलन हाइज्याक भएकै कारण जनताले बदलावको अनुभुती गरेनन् : प्रभु साह बागमतीका मुख्यमन्त्री थापाले आज विश्वासको मत लिने, राप्रपामा भाँडभैलाे जनकपुरको ९५० बिघा जग्गा फिर्ता गरियोस् : सांसद झा