पर्सामा कोरोना संक्रमणबाट थप ३ जनाको मृत्यु

वीरगन्ज । गएको चैत अन्तिमदेखि नै कोरानाको हटस्पट बनेको पर्सामा पछिल्लो ८ घण्टामा कोरानाकै कारण ३ पुरुषको मृत्यु गएको छ । मृतकमध्ये एक जना पर्साका, एक जना बाराका र एक जना घरबार बिहिन सडक यात्री रहेका छन् । उनीहरु तीनै जनाको वीरगन्जका विभिन्न अस्पतालमा उपचारको क्रममा मृत्यु भएको हो ।

मृतकहरुको साँझ ८ बजेर ४५ मिनटदेखि मंगलबार बिहान ४ बजेर ४५ मिनेटको अन्तरमा मृत्यु भएको नारायणी अस्पतालका सूचना अधिकारी डा. अतुलेश कुमार चौरसियाले बताए । मृतकहरुमध्ये एक जना वीरगन्ज महानगरपालिका वडा नम्बर २० हरपतगञ्जका ५३ बर्षीय पुरुष रहेका छन् । अर्का अन्दाजी ६० बर्षीय पुरुषको भने पहिचान खुल्न सकेको छैन । मंगलबार बिहान ४ बजेर ४५ मिनेटमा नारायणी अस्पतालको अस्थायी कोभिड अस्पताल गण्डकमा मृत्यु भएका ६० बर्षीय पुरुष भने बाराको कोल्भीका रहेका सूचना अधिकारी डा. चौरसियाले बताए ।

तीनै जनाको मृत्यु पूर्व नै संक्रमण पुष्टि

५३ बर्षीय पुरुषको गएको साउन ३० गते स्वाव कलेक्सन गरी परीक्षण गर्दा ३१ साउनमा संक्रमण पुष्टि भएको थियो । सोही दिनदेखि उनी नारायणी अस्पतालको अस्थायी कोभिड अस्पताल वीरगन्ज हेल्थ केयरमा उपचार थिए । त्यहि मंगलबार बिहान १२ बजेर ४५ मिनेटमा उनको मृत्यु भएको डा चौरसियाले बताए । मधुमेयका पुराना रोगी उनको मिलिटस स्वाव प्रश्वासको विफताका कारण मृत्यु भएको उनले बताए ।

त्यसै गरी मंगलबार बिहानै मृत्यु भएका बाराको कोल्भीका ६० बर्षीय पुरुषलाई पनि भदौ १० गते वीरगन्जको नारायणी अस्पतालमा उपचार गर्न ल्याइएको थियो । तत्काल स्वाव संकलन गरी स्वास्थ्य परीक्षण गर्दा उनको पनि रिपोर्ट पोजेटिभ आएर नारायणी अस्पतालकै अस्थायी कोभिड अस्पताल गण्डकमा उपचार गर्न पठाइएको थियो । उनको पनि आज बिहान त्यहि मृत्यु भएको डा चौरसियाले बताए ।

एक वेवारिसे पुरुष
अर्का मृतक अन्दाजी ६० बर्षीय पुरुषलाई भने अस्ती शनिबार सडकबाट उठाएर वीरगन्ज स्थित नारायणी अस्पतालको इमर्जिन्सी कक्षमा उपचार थालिएको थियो । उपचार सुरु गर्ने क्रममा उनको पनि कोरोना परिक्षण गर्दा उनको पनि कोरोना रिपोर्ट पोजेटिभ नै आएको थियो । ती पुरुषको सोमबार साँझ ८ बजेर ४५ मिनेटमा मृत्यु भएको नारायणी अस्पतालले जनाएको छ । वेवारिसे अवस्थाका उनलाई पनि अस्ती शनिबार अस्पतालको आकस्मिक कक्षमा भर्ना गरी जिन एक्सपर्ट प्रविधिबाट कोरोना परीक्षण गरिएको थियो ।

पछिल्लो पटक मृत्यु भएका २ संक्रमित सहित पर्सामा मात्र मृत्यु हुनेको कुल संख्या ३९ पुगेको छ । सोमाबर दिउसो ३ बजेर २० मिनेटमा मृत्यु भएका ८० बर्षीय पुरुषसहित मृतक ३७ जना पुगिसेको जिल्ला प्रशासन कार्यालयले सोमबार नै जनाइसकेको थियो । मृतक मध्ये तीनै जनामा दीर्घ रोग पनि भएको नारायणी अस्पतालले जनाएको छ ।

तपाइको प्रतिक्रिया
(Visited 84 times, 1 visits today)

Ads Space Available

epaper

भर्खरै

राजमार्गमा पर्ने भवन भत्काउदैँ इटहरी उपमहानगरपालिका

कुरी-कुरी

राजधानी राष्ट्रिय दैनिक:कुरी-कुरी – माघ ४, २०७९
राजधानी राष्ट्रिय दैनिक:कुरी-कुरी – माघ ४, २०७९
पाल्पाको रामपुरमा नेपाली काँग्रेस विजयी