काभ्रेपलाञ्चोक । पछिल्लो समय जिल्लामा कोरोना संक्रमितको संख्या बढ्दै गएको छ । मंगलबार जिल्लामा एकैदिन ७० जनामा कोरोना संक्रमण पुष्टि भएको छ । जिल्ला स्वास्थ्य कार्यालयका अनुसार पाँचखाल नगरपालिकाको विरेन्द्र सैनिक तालिम केन्द्रमा कार्यरत ६२ जना सैनिकमा मंगलबार कोरोना संक्रमण पुष्टि भएको हो ।
त्यस्तै पाँचखाल नगरपालिकाका ५ जना सर्वसाधरण,बनेपा नगरपालिकाका १ जना पुरुष र धुलिखेलल नगरपालिकाका १ जना पुरुष र १ जना महिला गरी ७० जना नयाँ कोरोना संक्रमित मंगलबार थपिएको कार्यालयको जानकारी छ ।
हालसम्म काभ्रेमा पहिलोपटक धेरै संख्यामा कोरोना संक्रमित थपिएको कार्यालयको जानकारी छ । थपिएका संक्रमितसँगै जिल्लामा कोरोना संक्रमितको संख्या ५ सय ४१ पुगेको छ । संक्रमितमध्ये ३ सय ४० जना उपचारपछि निको भइ घर फर्किएका छन् भने सक्रिय संक्रमित १ सय ९५ जना रहेको स्वास्थ्य कार्यालयको जानकारी छ । त्यस्तै अहिले १सय ३२ जना कोरोना संक्रमित अस्पताल आइसोलेसन र ६३ जना होम आइसोलेसनमा रहेका छन् ।
