मुख्यमन्त्रीलाई प्रश्न : नेपालीमा वकालत गर्नुपर्ने अंग्रेजीमा किन पढ्ने ?

तुलसीपुर । तुलसीपुर मेट्रो कलेज बीएएलएलबी पहिलो सेमेस्टरमा अध्ययनरत विद्यार्थी तिर्सना रोकायाले लुम्बिनी प्रदेशका मुख्यमन्त्री शंकर पोख्रेललाई प्रश्न गरिन्, ‘हामीले कानुन विषय पढेर नेपालीमा वकालत गर्नुपर्दछ । तर, किन अंग्रेजी भाषामा नै पढ्नुपर्दछ ?’ भाषाका कारणले पढ्न जटिल भएको उनको गुनासो थियो । उनको गुनासो सुनिसकेपछि मुख्यमन्त्री पोख्रेलले सिकाइमा भाषा बाधक नहुने बताए । उनले अंग्रेजी विश्वभाषा भएकाले त्यसमा नै अध्ययन गर्नुपर्ने बताए ।

अर्की विद्यार्थी श्रेया गौतमले अर्का प्रश्न थपिन् ‘स्थानीय तहमा न्यायपालिका सरकारसँगै हुने भएकाले शक्ति संयोजन हुने खतरा हुँदैन र ?’ मुख्यमन्त्री पोख्रेलले केन्द्र र प्रदेशमा जनताको प्रत्यक्ष पहुँच हुन नसक्ने भएको हुँदा न्यायपालिका फरक हुने तर स्थानीय तहमा जनताले प्रत्यक्ष पहुँच हुने भएकाले उनीहरूको खबरदारी हुने बताए । ‘स्थानीय तहमा शक्ति पृथिकीकरण नभए पनि न्यायपालिका कमजोर हुँदैन’, मुख्यमन्त्री पोख्रेलले बताए ।

लुम्बिनी बौद्ध विश्वविद्यालय र तुलसीपुर उपमहानगरपालिकाको साझेदारीमा तुलसीपुर मेट्रो कलेजले सञ्चालन गरेको बीएएलएलबी कार्यक्रमका विद्यार्थीले मुख्यमन्त्री पोख्रेलसँग विकास, कानुन र राजनीतिलगायतका विविध विषयमा विभिन्न प्रश्न राखे । विद्यार्थी दिलसरा वलीले कानुन विषय अध्ययन गर्ने विद्यार्थी संख्याको तुलनामा कोटा कम हुने गरेको बताउँदै सबैले पढ्न पाउने गरी कोटा व्यवस्थापन गर्नुपर्ने माग राखिन् । ‘कानुन पढ्ने मन र आँट हुँदा पनि केयांै साथीले पढ्न पाएका छैनन् यसको व्यवस्था गर्नुपर्दछ ’, उनले भनिन् । वलीले हरेक आर्थिक वर्षमा खर्च नहुने रकम के हुन्छ भनेर प्रतिप्रश्न गरिन् । मुख्यमन्त्री पोखे्रलले बजेट दुई किसिमको हुने बताउँदै अन्य स्रोतबाट आएको बजेट समयमा खर्च नभए फ्रिज हुने बताउँदै आन्तरिक राजस्वबाट तयार गरिएको बजेटको पैसा खर्च नभए पनि केही नहुने बताए ।

विद्यार्थीले भालुवाङमा मुख्यमन्त्रीका रूपमा कहिले भेट्न सकिन्छ भन्ने’bout प्रश्नसमेत गरेका थिए । करिब एक घण्टासम्म भएको कार्यक्रममा मुख्यमन्त्रीले विद्यार्थीलाई कानुनी विषय निकै संवेनशील भएको समेत बताए । उनले कानुनका विद्यार्थीले समाजमा न्याय स्थापित गर्न महŒवपूर्ण भूमिका खेल्न सक्ने समेत बताए । कानुनका विद्यार्थीमा तर्क गर्नसक्ने क्षमता हुने बताउँदै उनले हरेक विषयलाई फरक कोणबाट हेर्नुपर्नेमा जोड दिए । न्यायको प्रश्न उठ्ने ठाउँमा वकिलको खोजी हुने गरेको उनले बताए ।

सो अवसरमा मेट्रो कलेज सञ्चालक समितिका अध्यक्ष एवं तुलसीपुर उपमहानगरपालिकाका नगरप्रमुख घनश्याम पाण्डेले कानुनका विद्यार्थीलाई सहज होस् भनेर स्थानीय सरकारले कलेज सञ्चालन गरेको बताए । सो अवसरमा लुम्बिनी बौद्ध विश्वविद्यालयका रजिष्ट्रार तिलक आचार्य र कलेज प्रमुख वसन्त आचार्य कानुन विषयका ’boutमा जानकारी गराएका थिए ।

तपाइको प्रतिक्रिया
(Visited 170 times, 1 visits today)

Ads Space Available

epaper

भर्खरै

म कहाँको नागरिक हुँ र कसलाई प्रश्न गर्नु भएको हो थाहा छैन : रबि लामिछाने

कुरी-कुरी

राजधानी राष्ट्रिय दैनिक:कुरी-कुरी – माघ ४, २०७९
राजधानी राष्ट्रिय दैनिक:कुरी-कुरी – माघ ४, २०७९
धनुषाको मुसहरनियाको अध्यक्षमा जसपाका जयकुमार यादव निर्वाचित