गुल्मी । राजधानी राष्ट्रिय दैनिकका गुल्मी जिल्ला संवाददाता हुमाकान्त पोखरेल सम्मानित भएका छन् । नयाँ बर्षको अवसरमा बुधबार पत्रकार महासंघ जिल्ला शाखा गुल्मीको पद हस्तान्तरण एवम् पुरस्कार वितरण कार्यक्रममा पोखरेल सम्मानित भएका हुन् ।

उनले जिल्लामा रहेर पत्रकारिताको धर्म पुरा गरी समाजका विकृती तथा अन्यायका विरुद्धमा आवाज उठाएर स्वच्छ समाज निर्माणमा सहयोग पु-याएको भन्दै पुरस्कार प्रदान गरिएको पुरस्कार छनोट समितिका संयोजक अनिल खत्रीले जानकारी दिए । उनलाईहरुलाई ‘केशरजित उत्कृष्ट पत्रकारिता पुरस्कार’ बाट नगद पाचँ हजारसहित सम्मान पत्रले सम्मान गरिएको थियो । पोखरेल पत्रकार महासंघ गुल्मीको नव–निर्वाचित कार्यसमिति सदस्य समेत हुन् ।