युरोकपः इटाली नकआउट चरणमा

रोम । यूरोकपअन्तर्गत लगातार दुई खेल जितेर समुह ‘ए’ बाट ६ अंक जोड्दै इटाली नकआउट चरणमा प्रवेश गरेको छ । स्वीट्जरल्याण्ड्लाई ३–० ले हराउँदै इटाली युरोकप फुबटलको नक आउट चरण्ममा प्रवेश गरेको हो ।

इटालीको रोममा गएराति भएको समुह चरणको दोस्रो खेलमा घरेलु टोलीले स्वीट्जरल्याण्ड्लाई ३–० ले पराजित ग-यो । इटालीको जितमा म्यानुएल लुकाटोलीले २ र सिरो ईमोबिलले १ गोल थपे ।

समुहको अर्को खेलमा गएराति टर्कीलाई २–० ले हराउँदै वेल्सले पनि अर्को चरणको संभावना बलियो बनायो । वेल्सको जितमा आरोन राम्से र कोनोर रोबर्ट्सले एक–एक गोल गरे ।

अब समूह चरणको अन्तिम खेल इटालीले वेल्ससँग खेल्ने छ भने स्वीट्जरल्यान्डले टर्कीसँग खेल्नुपर्नेछ । वेल्सको चार अंक र स्वीट्जरल्यान्डसँग १ अंक छ । वेल्सले इटालीलाई बराबरीमा रोके पनि नकआउट चरणमा पुग्नेछ । स्वीट्जरल्यान्डले टर्कीलाई पराजित गरे उसको खातामा पनि चार अंक हुनेछ । तर नकआउट चरणमा पुग्नका लागि उसले वेल्स र इटालीको खेल पनि कुर्नुपर्ने हुन्छ ।

युरोकप अन्तर्गत समुह ‘बि’ को खेलमा रुसले फिनल्याण्डलाई १–० ले हराएको छ ।

युरोकपमा आज पनि ३ खेल हुनेछन् । समुह ‘बि’ को खेलमा डेनमार्क र बेल्जीयम भिड्नेछन् । यो खेल नेपाली समयअनुसार वेलुकी पौने १० बजे डेनमार्ककको कोपन हेगनमा हुनेछ । साँझ पौने ७ बजे रोमानियाको बुकारेष्टमा समुह ‘सि’ को युक्रेनले उत्तरी मेसेडोनियासँग खेल्ने छ । र, १ बज्न १५ मिनेट बाँकी रहँदा नेदरल्याण्ड्ले एम्सटरडमको घरेलु मैदानमा अष्ट्रियाको सामना गर्नेछ ।

तपाइको प्रतिक्रिया
(Visited 368 times, 1 visits today)

Ads Space Available

epaper

भर्खरै

सबै प्रकारका भुक्तानी बैंक खातामा विद्युतीय प्रणालीमार्फत गर्नुपर्ने

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
वडाको विकासका लागि उत्तमरत्नको उपाय यस्तो छ