अल्बर्ट आर्सनलमा अनुबन्धित

लन्डन । इंग्लिस प्रिमियर लिग क्लब आर्सनलले युवा मिडफिल्डर अल्बर्ट साम्बी लोकोन्गालाई अनुबन्धित गरेको छ । आर्सनलले बेल्जियन क्लब एन्डरलेक्टबाट अल्बर्टलाई ५ वर्षको लागि १८ मिलियन पाउन्डमा अनुबन्ध गरेको हो । सम्झौताअनुसार २१ वर्षीय मिडफिल्डर २०२६ सम्म आर्सनलमा रहने छन् ।

एन्डरलेक्टको एकेडेमीमा हुर्किएका अल्बर्टले सन् २०१७ मा सिनियर टोलीबाट डेब्यु गरेका थिए । उनले एन्डरलेक्टका लागि ६९ खेलमा ३ गोल गरेका छन् । अल्बर्ट बेल्जियमको उमेर समूह यू–१७, यू–१९ र यू–२१ टोलीबाट प्रतिनिधित्व गरिसकेका छन् । उनले यू–२१ टोलीबाट ६ खेलमा २ गोल गरेका छन् ।

उनलाई गत मार्चमा बेल्जियमको सिनियर टोलीको प्रशिक्षणमा डाँकिएको थियो । १८ मिलियन पाउन्डमा अल्बर्ट आर्सनलको प्रि–सिजनको फ्लोरिडा भ्रमणदेखि टोलीमा जोडिने सम्भावना छ । अब उनले प्रशिक्षक मिकेल अर्टेटालाई प्रभावमा पार्दै पहिलो रोजाइमा पर्न मिहेनत गर्नुपर्ने छ । उनले आर्सनलमा २३ नम्बरको जर्सी लगाउनेछ । जहाँ साम्बी लेखिनेछ ।

तपाइको प्रतिक्रिया
(Visited 125 times, 1 visits today)

आजको समाचार

Ads Space Available

epaper

भर्खरै

कांग्रेसको समानुपातिक सूची संशोधनमा सहमति जुट्यो

कुरी-कुरी

आजको १० समाचार