शुभ रहोस् दसैं


यस वर्षको दसैं सुरु भइसकेको छ । घटस्थापनाको दिन राखेको जमरा उम्रिएर पहेलपुर भइसकेका छन् । काठमाडौंलगायत देशका ठूला सहरहरूबाट मानिस घर फर्र्कने क्रम बढिरहेको छ । सवारीको चाप बढिरहेकाले यात्रुलाई घर जान सजिलो होस् भनेर यातायातमा गाडी क्यू फ्री बनाइएको छ तैपनि यात्रुको चाप बढिरहेकै देखिन्छ । वैदेशिक रोजगारमा गएका नेपालीहरू स्वदेश फर्र्कने क्रम पनि जारी छ । पोहोर परार सालमा कोरोना महामारी संक्रमणका कारण दसैं र तिहार मनाउन नपाएका नेपाली यस वर्षको दसैं मनाउन निकै उत्सुक देखिन्छन् । चाडपर्व भनेपछि हुरुक्क हुने नेपालीहरू यस वर्ष खुला रूपमा पर्व मनाउन पाउँदा प्रफुल्ल देखिएका छन् । हुन त कोरोना महामारीको संक्रमण घटेको भने होइन । विभिन्न भेराइटिका कोरोना संक्रमण देखापरिरहेकै छन् तर पनि संक्रमण रोकथामका उपाय अपनाइरहेका र खोप पनि लगाइरहेकाले अघिल्ला वर्षहरूमा जस्तै यो वर्षमा महामारी संक्रमणको त्रास पूर्ण मनोविज्ञानमा कमी आएको देखिएको छ । महामारी लामो समयसम्म रहने र योसँग जुध्दै जीवन निर्वाह गर्नुपर्ने कुरा थाहा पाएपछि पनि सबै मानिस धैर्यताका साथ अघि बढ्ने सोच बनाएका देखिन्छन् ।

यो वर्षको दसैंमा लकडाउन वा निषेधाज्ञा लगाइएको छैन । मास्क लगाउन बानी परिसकेकाले प्राथमिक रोकथामका लागि त्यो धेरै भरपर्दो भइसकेको छ । त्यसैगरी, सामाजिक दूरी कायम गर्न र रोगको लक्षण देखिनेबित्तिकै सेल्फ आइसोलेसन र उपचारमा जाने भएकाले पनि सामाजिक परिवेश खुला गरिएको छ । जनस्तरबाटै सचेतता देखिएपछि सरकारी स्तरबाट पनि त्यति धेरै कडाइ गरिएको छैन । यसको अर्थ सबै कुरा खुला छोडेर महामारी संक्रमणप्रति बेवास्ता गरिएको छ भन्ने होइन । खोप केन्द्रहरूमा विभिन्नखाले खोप दिने क्रम जारी छ तर पनि आमजनतालाई खोप पु¥याउनेगरी खोपको विस्तार गर्न सकिएको भने छैन । महामारीले देश आक्रान्त भइरहेका बेला सरकारले मुस्किलका साथ मन्त्रिमण्डल विस्तार गरेको छ । बजारमा वस्तुभाउ निकै आकसिएको छ । सम्बन्धित निकाय बढी सतर्क भएको देखिँदैन । बिचौलियाहरूको मनोमानी देखिन्छ । सरकारले सुपथ मूल्यका पसल कतैकतै खोले पनि देशव्यापी रूपमा जनता भने कालाबजारीको मारमा परिरहेका छन् । कतैकतै खुलेका सस्तो पसलमा महँगो भाडा तिरेर दैनिक खाद्यान्न किन्न सक्ने आउने जनताको हैसियत छैन ।

दसैंसँगै पारिवारिक भेटघाट, खानपिन र लामो समयको सामाजिक भेटघाटले महामारी संक्रमणलाई बल दिने त होइन भन्ने आशंका उब्जिरहेको छ । स्वास्थ्यकर्मी तथा विषेशज्ञ खुला रूपमा दसैं मनाउन थालिएकोमा चिन्ता व्यक्त गरिरहेका छन् । अर्कोतिर हरेक उपभोग्य वस्तुको मूल्य अकासिएकाले जनता दसंै कसरी मनाउने भन्ने चिन्तामा परेका छन् । सरकारले यी सबै कुराहरूलाई मध्यनजर गरी पु¥याउनुपर्ने सेवासुविधा पु-याउन नसक्दा सबै बजार सधैंभरि बिचौलियाको हातमा पर्ने र सर्वसाधारण जनता ठगिनुपर्ने स्थिति रहिरहेको छ । सरकारले यो अवस्थाको अन्त गरी आफ्ना नागरिकलाई सुलभ र सहज सेवा पाउने वातावरणको विकास गर्न सक्नुपर्छ । सबैको घरदैलोमा आइपुगेको दसैंले सबैमा सद्बुद्धि देओस् र दसैं थप उत्साह र उमंगका साथ मनाउन सकियोस् । दसैंको यही शुभकामना ।

तपाइको प्रतिक्रिया
(Visited 1 times, 1 visits today)

अन्य समाचार पनि पढ्नुहोस्

समन्वय नहुँदा सर्वसाधारणलाई कष्ट
बैंगलोरविरुद्ध पञ्जाबको सानदार जीत
सशस्त्र प्रहरीमा ‘व्यापक अनियमितता’को आशंका
राष्ट्रपति भण्डारी स्वदेश फिर्ता
नेपालमा रेम्डेसिभिरको निरन्तरता
दक्षिण कोरियाका नेपालीलाई कोरोनाको खोप निःशुल्क

आजको समाचार

कंगनाले चौथो पटक जितिन नेशनल अवार्ड
भीम रावललाई ओलीको सन्देश : लेखराज भट्टलाई छाड्न सकिँदैन
आज वर्षाको सम्भावना, उच्च पहाडी र हिमाली भूभागमा हिमपात हुने

साताका लोकप्रिय समाचार

कंगनाले चौथो पटक जितिन नेशनल अवार्ड
यहि श्रावण १७ र १८ गते शैक्षिक मेला हुँदै ,४२ भन्दा धेरै कलेजले भाग लिने
उपराष्ट्रपतिकी श्रीमती पक्राउ

ट्रेन्डिङ

epaper

प्रमुख

आज देशभर एमाले पालिका अधिवेशन, अध्यक्ष ओलीले भर्चुअल उद्घाटन गर्ने
स्थानीय तहको निर्वाचन ५ चैतमा प्रस्ताव
परिचय नखुलेका व्यक्तिलाई भाडामा बस्न नदिन गृह मन्त्रालयको आग्रह
नेपाल बारको निष्कर्ष : प्रधानन्यायाधीशले निकास दिनुपर्ने

भर्खरै

कंगनाले चौथो पटक जितिन नेशनल अवार्ड
Dhruba Lamsal || 26 October 2021
काठमाडौं । बलिउड अभिनेत्री कंगना रनौतले चौथो पटक सर्वाेत्कृष्ट अभिनेत्रीको पुरस्कार प्राप्त गरेकी छन् । भारतीय उपराष्ट्रपति...

कुरी-कुरी