एमसीसी अनुमोदनपछि अमेरिकी उच्च अधिकारीको भ्रमण बढ्दै


काठमाडौं । नेपालको संसद्बाट एमसीसी पास भएसँगै नेपालमा अमेरिकी उच्च अधिकारीहरूको भ्रमण बढ्न थालेको छ । नेपालको संसद्ले अमेरिकी सहयोग परियोजना एमसीसीअन्र्तगतको ५ सय मिलियन डलर अर्थात् ५० अर्ब रुपैयाँ अनुदान सम्झौता अनुमोदन गरेसँगै अमेरिकी अधिकारीको भ्रमण बाक्लिन थालेको छ । गत वैशाख पहिलो साता मात्रै अमेरिकी उपसहायक मन्त्री केली केइडरलिङले नेपाल भ्रमण गरेकी थिइन् ।

शुक्रबार मात्रै अमेरिकी सांसदको पाँच सदस्यीय टोली नेपाल आइपुगेका छन् । अमेरिकाको माथिल्लो सदन सिनेटकी सदस्य किस्टर्न जिलिब्रान्ड (न्युयोर्क)को नेतृत्वमा सिनेटरहरू सेल्डन ह्वाइटहाउस (रोड आइल्यान्ड), कोरी बुकर (न्यु जर्सी), मार्क केली (एरिजोना) र तल्लो सदन प्रतिनिधिसभा सदस्य मोन्डेयर जोन्स (१७औं कंग्रेसनल डिस्ट्रिक्ट, न्युयोर्क) काठमाडौं आएका हुन् । उक्त टोलीका एक सदस्य मार्क केली अमेरिकाको माथिल्लो सदन सिनेटका सदस्य मात्र नभएर नासाका पूर्वअन्तरिक्ष यात्रीसमेत हुन् । पोल्यान्ड र भारतलगायतका देशको लामो भ्रमणको सिलसिलामा अमेरिकी संसदीय टोली नेपाल आएको हो ।

यही साता अमेरिका र नेपालबीच कूटनीतिक सम्बन्ध स्थापित भएको ७५ वर्ष पुग्दै छ । नेपालस्थित अमेरिकी दूतावासले यही साता (अप्रिल २५) अमेरिका र नेपालबीच कूटनीतिक सम्बन्धको ७५औं वर्षगाँठ मनाउन लागिएको जानकारी दिँदै दूतावासले संसदीय टोलीको भ्रमणलाई दुई देशबीचको जारी दौत्य साझेदारीको एक हिस्सा रहेको जनाएको छ ।

लामो र घनिष्ठ सम्बन्धलाई मजबुत र थप गतिशील बनाउनका लागि पनि उनीहरूको भ्रमण भएको कूटनीतिज्ञहरूको भनाइ छ । यसअघि अमेरिकी सांसदहरू दुई वर्षअघि नेपाल भ्रमणमा आएका थिए । सन् २०२० फेब्रुअरीमा दुई दलीय (डेमोक्र्याटिक र रिपब्लिकन पार्टी)का सांसद सम्मिलित संसदीय टोली नेपाल भ्रमणमा आएका थिए । त्यतिबेला परराष्ट्र मामिलाअन्र्तगत एसिया प्रसान्त क्षेत्र हेर्ने अमी बेराको नेतृत्वमा नेपाल भ्रमणमा आएका थिए ।

सन् २०१७ मा अमेरिकी डेमोक्य्राटिक पार्टीकी सांसद न्यान्सी पेलोसिकोको नेतृत्वमा आठ सदस्यीय दुई दलीय टोली नेपाल आएको थियो । उनीहरूको चासो विशेष गरी तिब्बती शरणर्थी केन्द्रित मुद्दामा थियो । नेपालको उत्तरी छिमेकी मुलुक चीनको तिब्बतबाट नेपालमा आएर शरणार्थीको रूपमा बसोबास गरिरहेकाहरूको विषयलाई मूल एजेन्डा बनाएका थिए ।

हाल अमेरिकी सांसदहरूको भ्रमणको ’boutमा अमेरिकी दूतावासले विज्ञप्तिमा जारी गर्दै भनेको छ, ‘रुसको नाजायज र अन्यायपूर्ण युद्धका विरुद्ध अमेरिकाले युक्रेन र नेटो गठबन्धनप्रतिको आफ्नो सहयोगलाई कसरी जारी राख्न सक्छ भन्ने’bout बुझ्न संसदीय टोलीले पोल्यान्डको यात्रा गरेको थियो । युक्रेनमा रुसले गरेको क्रुर हमलाको निन्दा गर्ने अधिकतर देशमा नेपाल सामेल भएको छ ।’

भ्रमण टोलीले जारी गरेको वक्तव्यअनुसार भ्रमणको पहिलो उद्देश्य युक्रेन मामिलामा समर्थन जुटाउनु हो भने दोस्रो सम्बन्धित मुलुकसँग अमेरिकाको द्विपक्षीय सम्बन्ध थप विस्तार गर्नु हो । भ्रमण टोलीले जारी गरेको वक्तव्यमा भनिएको छ, ‘यो सशक्त कंग्रेसनल डेलिगेसनले पोल्यान्डस्थित अमेरिकी सैन्य नेतृत्व र सैनिक जवानहरूसँग भेटवार्ता गर्नेछ । अमेरिका र नेटो गठबन्धनमा रहेका मुलुक मिलेर रुसले युक्रेनमाथि नाजायज र अन्यायपूर्ण रूपमा गरेको हमलाका विरुद्ध कसरी काम गर्न सक्छन् भन्ने’bout बुझ्नेछ । अहिलेको विश्वव्यापी तनावबीच कंग्रेसनल डेलिगेसनले पोल्यान्ड, यूएई, इन्डिया, नेपाल र जर्मनीका नेताहरूसँग भेटेर सम्बन्ध सुदृढ गर्ने’bout पनि छलफल गर्नेछ ।’

नेपाल भ्रमणमा आएको अमेरिकी सिनेटर किर्स्टन जिल्लिब्रान्डको नेतृत्वको टोलीले शनिबार प्रधानमन्त्री शेरबहादुर देउवासँग भेटवार्ता गरेको छ । भेटमा नेपाल–अमेरिका सम्बन्धका ७५ वर्षको दौरानमा यसअघि हासिल उपलब्धि र अझै प्रगाढ सम्बन्ध विकसित गर्ने विविध पक्षहरूको ’boutमा चर्चा हुनुका साथै जलवायु परिवर्तनको सामना गर्ने उपाय र लोकतन्त्र सुदृढीकरणलगायतमा कुराकानी भएको बताइएको छ ।

शनिबार नै अमेरिकी संसदीय टोलीले नेपाली सांसदहरूसँग काठमाडौं नक्सालस्थित मेरियट होटलमा भेटवार्ता गरेको छ । नेपाल भ्रमणमा रहेका अमेरिकी सांसदहरूले एमसीसी सम्झौंता पारित गरेकोमा नेपालको संघीय संसदप्रति आभार व्यक्त गरेका छन् ।
नेपाल–अमेरिका संसदीयमैत्री समूहसँग भएको अन्तक्रिया कार्यक्रममा बोल्दै अमेरिकी सांसदहरूले नेपालको समृद्धिका लागि, नेपालको जनजीविका र समावेशी विकासका लागि आवश्यक सहयोगलाई निरन्तरता दिन अमेरिकाका दुवै पार्टीका सांसदहरूको तर्फबाट प्रतिबद्धता व्यक्त गरे ।

नेपालको पूर्वाधार विकास, पर्यटन क्षेत्रको विकास, नवीकरणीय ऊर्जा नेपालको विकासका लागि अति महत्वपूर्ण स्रोत भएको कुरा आफूहरूले राखेको र त्यसमा पनि सहयोग गर्ने कुरा अमेरिकी सांसदहरूको टोलीले राखेको समूहका संयोजक डा. मीनेन्द्र रिजालले जानकारी दिए ।

‘नेपालको भौतिक पूर्वाधार निर्माण, पर्यटन क्षेत्रको विकास र स्वच्छ र नवीकरण ऊर्जाका लागि नेपाल अत्यन्तै महत्वपूर्ण स्रोत भएको देश हुन सक्दछ,’ अन्तरक्रिया कार्यक्रमपछि डा. रिजालले भने, ‘दक्षिण एसियाका लागि भन्ने कुरा हामीले राख्यौं, त्यसमा उहाँहरूले सन्तोष व्यक्त गर्नुभयो ।’

तपाइको प्रतिक्रिया
(Visited 409 times, 1 visits today)

Ads Space Available

epaper

भर्खरै

गठबन्धनमा कालो बादल मडारिएको हो ?

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
विवेकशील साझाले भन्याे : हामी अत्यन्तै दुःखी छाैँ