दीकालाई ‘लाइफटाइम’ क्षत्रीलाई पत्रकारिता पुरस्कार

काठमाडौं । विभिन्न ३९ विधा रहेको ‘दोस्रो क्वालिटी इन्टरटेनमेन्ट अवार्ड’अन्तर्गत अग्रज ध्वनि सम्पादक दीका गुरुङलाई ‘इन्टरटेनमेन्ट लाइफ टाइम एचिभमेन्ट अवार्ड’ र राजधानीकर्मी डब्बु क्षत्रीलाई ‘चलचित्र तथा संगीत पत्रकारिता पुरस्कार’ प्रदान गरिएको छ ।

राजधानीमा सोमबार सम्पन्न कार्यक्रमबीच गुरुङलाई ५० हजार र क्षत्रीलाई २५ हजार नगदसहित पूर्वउपराष्ट्रपति परमानन्द झाले पुरस्कार प्रदान गरेका हुन् ।

सोही अवसरमा २०७८ मा बजारमा आएका गीतबाट ३९ विधामा अवार्ड प्रदान गरिएको छ । जसअन्तर्गत यस कुमार आधुनिक गीततर्फ सर्वोत्कृष्ट गायक अवार्ड, जुरी अवार्ड सुजन तिगेला लिम्बू, आधुनिक गायिका सुजाता केसी, सर्वोत्कृष्ट संगीतकार योगेन्द्र उपाध्याय, पपुलर अवार्ड सन्तोष केसी र जुरी अवार्ड राजकुमार बगरलाई प्रदान गरिएको छ ।

त्यस्तै, गीतकार अवार्ड शिव पौडेल, गीतकार जुरी अवार्ड प्रकाश सुवेदी, महिला गीतकार अवार्ड ज्योति गुरुङ, नवगायन अवार्ड भुपेन्द्र थापामगर, डायस्पोरा गीतकार अवार्ड पूर्णबहादुर थापाले प्राप्त गरेका छन् ।

यसैगरी, आधुनिक गीत सर्वोत्कृष्ट महिला मोडल अवार्ड केकी अधिकारी, जुरी अवार्ड एलिसा राई, डायस्पोरा मोडल अवार्ड पार्वती थापा, पब्लिक च्वाइस अवार्ड सुस्मिता श्रेष्ठ, पुरुष मोडलतर्फ उत्कृष्ट अवार्ड प्रकाश श्रेष्ठ, पपुलर मोडल अवार्ड यसराज गचार, जुरी अवार्ड निराजन प्रधान र पब्लिक च्वाइस अवार्ड दीपक थापा माइथानेले प्राप्त गरे । आधुनिक गीतमै म्युजिक भिडियो निर्देशक अवार्ड गम्भीर विष्ट र निर्देशक जुरी अवार्ड सोनाम पाख्रिनलाई दिइएको छ ।

त्यस्तै, लोकदोहोरीतर्फ संगीतकार अवार्ड टीका बमजन, लोकदोहारी गीतकार अवार्ड कमल सरगम चौलागाईं, गीतकार जुरी अवार्ड सन्तोष गिरीले पाए । सर्वोत्कृष्ट गायक अवार्ड मौसम गुरुङ, डायस्पोरा अवार्ड दीपक वसन्त कार्की, पपुलर गायक अवार्ड अमृत सापकोटा, सर्वोत्कृष्ट गायिका अवार्ड कालिका रोका, पपुलर गायिका अवार्ड टीका पुन, जुरी अवार्ड कल्पना सुनुवार, नवगायकको अवार्ड केहर सिंह प्यासी, नवगायिकाको अवार्ड रिता बराइलीले पाएका छन् ।

लोकदोहोरी म्युजिक भिडियोतर्फ सर्वोत्कृष्ट मोडल पुरुष अवार्ड धु्रव हिमाली, जुरी अवार्ड कमलबहादुर जोशी, सर्वोत्कृष्ट महिला मोडल अवार्ड आरुसी मगर, जुरी अवार्ड माया राम्जाली, म्युजिक भिडियो निर्देशक अवार्ड मौसम हिमाली र जुरी अवार्ड बबिता श्रेष्ठले हासिल गरे ।

लोकगीततर्फ सर्वोत्कृष्ट गायक अवार्ड गणेश गुरुङ, जुरी अवार्ड गायक दुर्गा गुरुङ, सर्वोत्कृष्ट गायिका अवार्ड कविता गुरुङले, पब्लिक च्वाइस अवार्ड गायिका दुर्गा गुरुङ, लोकगीत युगल गायन अवार्ड टीका गुरुङ- भीमकला गुरुङ, जुरी अवार्ड माया स्याङ्बो र इन्करेजमेन्ट अवार्ड दीपा गुरुङलाई प्रदान गरियो ।

त्यस्तै, पपतर्फ सर्वोत्कृष्ट गायक अवार्ड सञ्जीव सिंह राना, पब्लिक च्वाइस अवार्ड संगम लिम्बू, पपगीतबाटै गायकको जुरी अवार्ड चमेली नेपाली गीतबाट अर्जुन खरेल, सर्वोत्कृष्ट गायिकाको अवार्ड चन्द्रकला लिम्बू, नवगायक अवार्ड दिलिपकुमार मिश्र, नवगायक जुरी अवार्ड रेशराज लिम्बू, संगीतकार अवार्ड अनिल लामा र मेकअप आर्टिस्ट अवार्ड गीता पौडेलले पाए ।

यसैगरी, पर्व गीततर्फ सर्वोत्कृष्ट गायिका अवार्ड शान्ति शाही चन्द, सर्वोत्कृष्ट पपगीत डायस्पोरा गायिका अवार्ड मञ्जु रसाइलीले, जुरी अवार्ड गायिका प्रमिला गैरे र पब्लिक च्वाइस अवार्ड रिया खड्का, सर्वोत्कृष्ट राष्ट्रिय भावको गीत अवार्ड राजन पालुँवा लिम्बूले हासिल गरे ।

त्यस्तै, भाषाभाषी गीततर्फ सर्वोत्कृष्ट पुरुष मोडल अवार्ड सुरज लामा, सर्वोत्कृष्ट भाषाभाषी महिला मोडल अवार्ड शीतल तामाङ, लिम्बू भाषा गीत महिला मोडल अवार्ड पुष्पाञ्जली तिलिंगा, भाषाभाषी गीत सर्वोत्कृष्ट गीतकार अवार्ड सेसेमीसे नाल्बो लिम्बू, सर्वोत्कृष्ट म्युजिक भिडियो छायाँकार अवार्ड रवीन्द्र बराल, संगीत संयोजक डोलराज बाह्राघरे, सर्वोत्कृष्ट वाद्यवादक अवार्ड बाँसुरी वादनबाट धनबहादुर गुरुङ, सर्वोत्कृष्ट ढाका फेसन अवार्ड सरु लिम्बू राई र सर्वोत्कृष्ट म्युजिक कम्पनी अवार्ड सज्जन हमालले हासिल गरे ।

भाषाभाषी गीततर्फ नै सर्वोत्कृष्ट तामाङ गीत गायक अवार्ड जीवन बमजन तामाङ, तामाङ गीत गायिका अवार्ड शशीकला मोक्तान, सर्वोत्कृष्ट सोलो गीत गायक अवार्ड विशाल योञ्जन, सर्वोत्कृष्ट राई गीत गायक अवार्ड पुष्प राई, सर्वोत्कृष्ट लिम्बू गीत गायक अवार्ड अशोक मुकारुङ, लिम्बू गीत गायिका अवार्ड रुक्साना लिम्बू, लिम्बू भाषा नवगायिका अवार्ड स्वस्तिका सावादेन, राईभाषा उत्कृष्ट गायिका अवार्ड अनुका राई र सर्वोत्कृष्ट अवधि भाषा गीत गायिका अवार्ड दुर्गा दाहाललाई दिइएको छ ।

तपाइको प्रतिक्रिया
(Visited 37 times, 1 visits today)

Ads Space Available

अन्य समाचार पनि पढ्नुहोस्

epaper

भर्खरै

थापाथलीका सुकुम्वासीमाथि बल प्रयोग अनुचित : अध्यक्ष ओली

कुरी-कुरी

राजधानी राष्ट्रिय दैनिक:कुरी-कुरी – कार्तिक ३०, २०७९
राजधानी राष्ट्रिय दैनिक:कुरी-कुरी – कार्तिक ३०, २०७९