काठमाडौं । नेपाली बजारमा आज सुनको मूल्यमा उल्लेख्य गिरावट आएको छ । नेपाल सुनचाँदी व्यवसायी महासंघका अनुसार छापावाला सुन प्रति तोलामा २ हजार ९ सय रुपैयाँले घटेर २ लाख ३७ हजार रुपैयाँमा कारोबार भइरहेको छ । यो अघिल्लो दिन सोमबारको तुलनामा कमी हो, जहाँ सुन २ लाख ३९ हजार ९ सय रुपैयाँमा कारोबार भएको थियो ।
चाँदीको मूल्यमा पनि गिरावट आएको छ। सोमबार प्रति तोलामा २ हजार ९८० रुपैयाँमा कारोबार भएको चाँदी आज मंगलबार घटेर २ हजार ९२० रुपैयाँमा आइपुगेको महासंघले जनाएको छ ।
महासंघका अनुसार आज प्रति १० ग्राम सुनको मूल्य २ लाख ३ हजार १९० रुपैयाँ र प्रति १० ग्राम चाँदीको मूल्य २ हजार ५०३ रुपैयाँ ५० पैसा निर्धारण गरिएको छ ।
तपाइको प्रतिक्रिया
(Visited 1,039 times, 1 visits today)
