सर्लाही । सर्लाहीको मलंगवा नगरपालिका– १० देवीटोलमा गोली प्रहारबाट एक जनाको मृत्यु भएको छ । मृत्यु हुनेमा सिरहा सुखीपुर नगरपालिका–६ बैशाखा घर भई हाल मलंगवामा डेरा गरी बस्दै आएका ३६ वर्षीय प्रमोदकुमार यादव रहेका छन् ।

जिल्ला प्रहरी कार्यालय सर्लाहीका अनुसार आइतबार बेलुका करिब ८ बजे अज्ञात् व्यक्तिले यादवमाथि गोली प्रहार गरेका थिए । गोली लागेर घर अगाडिको प्यासेजमा लडेका उनलाई उनकी श्रीमतीले देखेपछि तत्काल प्रहरीलाई खबर गरेकी थिइन् । सूचनापछि सर्लाहीका प्रहरी उपरीक्षक योगेन्द्रकुमार खड्काको कमाण्डमा २५ जनाको टोली घटनास्थलमा खटिएको थियो ।

गम्भीर घाइते यादवलाई उपचारका लागि प्रादेशिक अस्पताल मलंगवा पठाइएकोमा राति ८ बजेर ३७ मिनेटमा चिकित्सकले मृत घोषणा गरेको प्रहरीले जनाएको छ।यादव जिल्ला पूर्वाधार विकास कार्यालयमा सब इन्जिनियरका रूपमा कार्यरत थिए ।

घटनास्थल जिल्ला प्रहरी कार्यालय सर्लाहीबाट करिब २ किलोमिटर उत्तरतर्फ पर्छ। घटनामा संलग्न व्यक्तिहरू फरार रहेको र उनीहरूको खोजी तथा घटना’bout थप अनुसन्धान भइरहेको जिल्ला प्रहरी कार्यालय सर्लाहीले जनाएको छ ।

सम्बन्धित समाचार

चार करोड मूल्य बराबरको धान खरिद आन्दोलनको भावनाअनुसार काम हुन सकेनः जसपा नेता यादव यादवले जनमत पार्टी छाड्नुको कारण गरे खुलासा मुखमा जाल अड्किएको घडियालको उद्धार विपक्षीले चरित्र हत्याको प्रयास गर्न थाले: उम्मेदवार चौधरी संविधान संशोधन र पुनर्लेखनको विकल्प छैन् : जसपा नेपाल अध्यक्ष यादव ह्याट्रिक गर्ने दाउमा कांग्रेसका तिमलसिना, यस्तो छ– रौतहट-४ मा अरूको अवस्था रोचक शैलीमा चुनावी घरदैलो