काठमाडौं । नयाँ वर्ष २०८३ को अवसर पारेर नयाँ गीत ‘सधैँ तिमी’ गीतको भिडियो सार्वजनिक गरिएको हो । गीतकार डब्बु क्षत्रीको शब्द र निर्देशनमा यो नयाँ गीत र यसको भिडियो तयार भएको हो । गीतलाई एसबि क्रिएसनको अफिसियल पेजबाट सार्वजनिक गरिएको हो ।

यो गीतको भिडियो पनि गीतकार क्षत्रीले नै निर्देशन गरेका हुन् । गीतमा गायक यम बराल र गायिका सरिता भारतीको स्वर रहेको छ । गीतलाई ओम सुनारले संगीत तथा संगीत संयोजन गरेका हुन् । आर्टोम्युज स्टुडियोमा रेकर्ड गरिएको यो गीतलाई जुगल डंगोलले मिक्सिङ र मास्टरिङ गरेका हुन् ।

निकै रिसाउने प्रेमिकासँग प्रेमीको नोक झोक र प्रेमलाई गीत र भिडियोमा प्रस्तुत गरिएको छ । गीतको भिडियोलाई बंगलादेशको बोगुराको पर्यटकीय क्षेत्रमा छायांकन गरिएको हो । बोगुरा अन्तर्राष्ट्रिय चलचित्र महोत्सवमा सहभागी हुने क्रममा त्यहाँ यो गीतको भिडियो छायांकन गरिएको गीतकार क्षत्रीले बताए ।

विलक्षण क्रियसनको प्रस्तुत रहेको यो गीतको भिडियोलाई बंगलादेशका छायांकार सरकार सुजनले खिचेका हुन् । जसमा अजय दास र जियाद खन्डोकरको ड्रोन रहेको छ । वीरेन्द्र भाट ‘विपिन’को सम्पादन तथा लोकेस भाटको ग्राफिक्स रहेको यो गीतको भिडियोका निर्मातामा युविका बुढाथोकी रहेकी छिन् ।

गीतको भिडियोमा गायिका एवम् मोडल सरिता भारती र अभिनेता प्रवण भुसालले अभिनय गरेका छन् । उनीहरूको जोडी यो भिडियोमा पनि त्यत्तिकै सुहाएको छ ।

गीतकार क्षत्रीको अनुसार यो गीतमा नेपाली मौलिक ठेट शब्दहरू प्रयोग गरिएको छ । लोक लयमा आधारित भएको कारण पनि आफूले झर्रा शब्दहरूलाई महत्त्व दिएको पनि गीतकार क्षत्रीले बताए ।

सम्बन्धित समाचार

नेपाली लेखक सङ्घ कास्कीको अध्यक्षमा अथक श्रष्टा सुवेदीलाई ‘चुडामणि साहित्य पुरस्कार’ पहिलो उपन्यास ‘सलह’ लिएर आए कवि श्रवण ‘जन नायकन’ रिलिज नहुँदै अनलाइनमा पाइरेसी विन्ध्यवासिनीद्वारा शम्भुजीतलाई १ लाखसहित लाइफ टाइम एचिभमेन्ट अवार्ड विष्णु विवेकको पुस्तक ‘घाटगाउँ’ अमेरिकामा पनि विमोचन कर्णालीका लोक, नृत्य र नाटक नौमूलेमा प्रदर्शन हुने ‘पहिलो हाँसो’ को नयाँ संस्करण सार्वजनिक