इलाम । इलामको ठूलो टुँडीखेलमा जारी तेस्रो इलाम गोल्डकपमा डिफेन्डिङ च्याम्पियन न्युरोड टिम (एनआरटी) कठिन जितसहित सेमिफाइनलमा स्थान सुरक्षित गरेको छ । मंगलबार भएको खेलमा चित्लाङ फुटबल क्लबलाई १–० ले पराजित गर्दै सेमिफाइनलमा स्थान सुरक्षित गरेको हो । १७औँ मिनेटमा आदित्य शाक्यले फ्रिकिकमार्फत् गरेको गोल नै खेलको निर्णायक गोल बन्यो ।

खेलको सुरुवातबाटै चित्लाङ आक्रामक देखिएको थियो । तेस्रो मिनेटमै सोलोमनले डिबक्स नजिकबाट गरेको शक्तिशाली प्रहारलाई गोलरक्षक विशाल सुनुवारले पञ्च गर्दै खतरा टारे । १०औं मिनेटमा पनि चित्लाङले आक्रमण दोहो¥यायो भने २३औं मिनेटमा एरोनको प्रहारलाई गोलरक्षकले फेरि पन्च गर्दै बचाए । त्यसपछि प्राप्त कर्नरमा एरोनकै बलमा सोलोमनको हेडर बाहिरियो । १७औं मिनेटमा खेल बदलियो । चित्लाङले एनआरटीका रोशनलाई डिबक्स छेउमा फाउल गरेपछि पाएको फ्रिकिकको अवसरलाई आदित्य शाक्यले सिधै जाली चुमाउँदै न्युरोडलाई अग्रता दिलाए ।

३३औँ मिनेटमा विज्ञान खड्काको वन–भर्सेस–वन प्रहारलाई गोलरक्षक चन्द्रसुन्दर श्रेष्ठले उत्कृष्ट बचाउ गरे । त्यस लगत्तै जन्मजय धामीको क्रसमा विज्ञान फेरि चुके । ३०औं मिनेटमा चित्लाङले बराबरी गर्ने राम्रो अवसर गुमायो भने ३९औँ मिनेटमा सोलोमनको डिबक्स बाहिरबाट आएको प्रहारलाई विशालले उत्कृष्ट बचाउ गरे ।

मध्यान्तरअघिको अतिरिक्त समयमा आशिषको डिबक्सभित्रको प्रहारलाई पनि गोल रक्षकले रोके ।

मध्यान्तरपछि चित्लाङले लगातार दबाब सिर्जना ग¥यो । ५१औं मिनेटमा विदेशी खेलाडी म्याथ्युको प्रहारलाई विशालले पन्च गरेपछि एरोनले रिबाउन्डमा मौका गुमाए । त्यसलगत्तै मदन सत्यालको प्रहारलाई विवेक गुरुङले रोकेर न्युरोडलाई गोलबाट जोगाए । ५९औं मिनेटमा एरोनको फ्रिकिक प्रहार सिधै दर्शकदीर्घातर्फ गयो । त्यसपछि पनि चित्लाङले आक्रमण जारी राख्यो तर फिनिसिङ कमजोर बन्योे ।

न्युरोडले काउन्टर अट्याकमा अवसर सिर्जना गरिरह्यो । ६३ औं मिनेटमा लक्षु थापाले अग्रता दोब्बर गर्नेे अवसर गुमाए । ६६औँ मिनेटमा विवेक गुरुङको क्रसमा विज्ञान चुके चुक्ता ८७औं मिनेटमा माइकलले पाएको अवसर पनि गोलमा परिणत हुन सकेन् । इन्जुरी समयमा लक्षु थापाको क्रसमा रोशन वन–भर्सेस–वन अवस्थामा पुगे पनि उनको प्रहार पोस्ट छेउबाट बाहिरियो । ८६औं मिनेटमा प्रतिकको क्रसमा एरोनको फितलो प्रहारलाई गोलरक्षकले सहजै बचाएपछि चित्लाङको आशा अन्त्य भयो ।

खेलभर आक्रामक देखिए पनि पाएका अवसर सदुपयोग गर्न नसक्दा चित्लाङ क्वाटर फाइनलबाटै बाहिरियो भने न्युरोडले कठिन एक गोलले अन्तिम चारको स्थान सुरक्षित गर्यौ । निर्णायक गोलकर्ता आदित्य शाक्य खेलको म्यान अफ द म्याच घोषित भए । प्रतियोगिताको विजेताले १० लाख रुपैयाँ र उपविजेताले ५ लाख रुपैयाँ प्राप्त गर्ने आयोजकले जनाएको छ ।

सम्बन्धित समाचार

फाप्ला क्रिकेट मैदान निर्माण हुन्छ : मन्त्री पोखरेल आइसीसी विश्वकप लिग २ को त्रिकोणात्मक शृङ्खला २५ अप्रिलबाट नेपालमा हुने अन्तर्राष्ट्रिय चेसका निहाना श्रेष्ठलाई रजत पदक प्रधानमन्त्री कपः आजको खेलमा गण्डकी प्रदेश विजयी महिला क्रिकेट टोली रुवान्डातर्फ प्रस्थान इटालीविरुद्धको खेलमा नेपालले टस जितेर ब्याटिङ गर्दै रोलिङसँग फिदिम ३–० ले स्तब्ध ‘महिला फुटबल खेलाडीले चन्द्रनिगाहपुरको पहिचान बनाए’