काठमाडौं । काठमाडौंको कागेश्वरी मनोहरा नगरपालिका–९ गोठाटारस्थित नागेश्वर महादेव मन्दिरबाट झण्डै १० लाख रुपैयाँ चोरी भएको छ ।

मन्दिर संरक्षण तथा व्यवस्थापन समितिका अध्यक्ष प्रकाश रायमाझीले शनिबार राति मन्दिरको भेटी राखिएको बाकस चोरी भएको जानकारी दिए ।

सो बाकस महाशिवरात्रि पर्वपछि नखोलिएकाले त्यसमा करिब ८ देखि १० लाख रुपैयाँ रहेको बताए ।

उनले आज बिहान पूजा गर्ने क्रममा पुजारीले भेटीको बाकस नदेखेपछि खोजी गर्दा कतै नपाइएको बताए ।

यहाँ मन्दिर सुरक्षाका लागि राखिएको प्रहरी बिट गत भदौको जेनजी आन्दोलनपछि हटाइएको थियो । समितिले प्रहरी बिट पुनःस्थापनाको माग गर्दै आएको थियो ।

पशुपति क्षेत्रस्थित गौचरणमा रहेको नागेश्वर मन्दिर त्रिभुवन अन्तरराष्ट्रिय विमानस्थल विस्तारका क्रममा गोठाटारमा स्थानान्तरण गरिएको हो ।

सम्बन्धित समाचार

कांग्रेस संसदीय दलको प्रमुख सचेतकमा थापा २४ घण्टाभित्र गोल्छालाई उपस्थित गराउन सर्वोच्चको आदेश सुदूरपश्चिम विश्वविद्यालयको तीन सय बिघा जग्गा अतिक्रमण बालेन सरकारले थप तीनवटा अध्यादेश पठायो शीतल निवास वडा सीमा विवाद सुल्झाउने मापदण्डको सुझावमाथि अध्ययन जारी संवैधानिक परिषद्सम्बन्धी अध्यादेश पुन राष्ट्रपतिलाई पठाउने सरकारको निर्णय उद्योगी शेखर गोल्छालाई धरौटीमा छोड्न अदालतको आदेश शेखर गोल्छा रिहा हुने